kritiken hemeroteka

8.518 kritika

« | »

Diot / Gabriel Korta / Egilea editore, 2013

“Testigantza” Jose Luis Padron / Bilbao, 2014-04

Diot izeneko poesia liburu berria kaleratu du Gabriel Korta idazleak, autoedizioaren bidetik. Seigarren poema liburua du aspaldi poeta izatea erabaki zuen errenteriarrak. 17 urterekin heldu zion poesiari, eta harrezkero poeta da.

1980an argitaratu zuen Gabriel Kortak Isiletik, bere aurreneko poema liburua. Lan hura Ustela Sailarekin atera zuen. Susarekin bigarrena, Okaranak (1986). Harri hautsiak (2002) da hirugarrena. Laugarrenak lau (2010), izenburuak dioen bezala, laugarren poesia liburua du, bertan bildu zituen haren aurreko lanak, Isiletik, Okaranak, Harri hautsiak, eta ekarpen berria, Testigantza. Bosgarrena bere ibilbidean, Elurra galtza motzetan, 2012an kaleratu zuen. Diot da bere azken poesia liburua.

Baikorrago dator, bere bizi esperientziari tente eusten, ez erortzen, eta aspalditik ezagutzen dugunontzat, hobekuntza nabaria antzematen dugu Gabrielengan, oinarrizko bizi baldintzetatik hasi, eta sakontze aldera, idazten dituen poemetara iritsi arte.

Gabriel Kortak ez du maite itxurakerietan ibiltzea. Azken liburuaren aurkezpenean, Zumarragako Zelai Aristi Kultur Etxean, esan zuen lehen komunista militantea izan zela, hala ere ez dituela justifikatzen Sobietar Batasuneko iraultzan Stalinek hainbeste errusiar hil izana. Korta ez du nahi ez ezkerreko ez eskuineko diktadurarik. Baina ez dela antikomunista sentitzen. Komunista da, eta komunistek betidanik aldarrikatu dutena aldarrikatzen jarraitzen du hark ere, hau da, justizia, klase diferentziarik ez egotea, eta denok berdinak izatea legearen aurrean, alderdi batekoak izan edo bestekoak izan. Kezka politiko horietara ere maitasunez eta gogoz hurbiltzen da Gabriel Korta, poesia bidez.

Era xumean izeneko poeman, honako hau dio poetak: “Handinahirik gabe bizi naiteke, era xumean. Bosgarren solairu honetan bizi naiteke. Ez dut asko behar bizitzeko. Merkatalgoko erakustokiak begiratzearekin konformatzen naiz. Nire beharrak oinarrizkoak dira. Txiroa naiz, baina kontzientziaduna”. Halakoa da Gabriel Kortaren poesia ere.

Gabriel Kortak argi eta garbi, ozen esan nahi duena da gakoa askatasunak duela, eta askatasuna maitasuna dela. Gizartearen eta hizkuntza beraren berdintasunean, anaitasunean eta fraternitatean amesten da Gabriel Kortaren testigantza poetikoa. Azken finean, Gabriel Kortak hitzez eta obraz azpimarratzen duen bezala, testigantza kontua da dena.

Azken kritikak

Puntobobo
Itxaso Martin Zapirain

Jon Jimenez

Txori Gorri. Andre siux baten idazlanak
Zitkala-Sa

Ainhoa Aldazabal Gallastegui

Profilak (Mugetan barrena)
Amaia Iturbide

Paloma Rodriguez-Miñambres

Paradisuaren kanpoko aldeak
Bernardo Atxaga

Mikel Asurmendi

Iragan atergabea
Julen Belamuno

Asier Urkiza

Paziente isila
Alex Michaelides

Nagore Fernandez

Eromenaren laudorioa
Erasmo Rotterdamgoa

Aritz Galarraga

Coca-Cola bat zurekin
Beñat Sarasola

Mikel Asurmendi

Olatuak sutzen direnean
Haritz Larrañaga

Jon Jimenez

Amaieratik hasi
Naia Torrealdai Mandaluniz

Amaia Alvarez Uria

Ehun zaldi trostan
Ainhoa Urien

Aitor Francos

Urrats galduen hotsa
Luis Garde

Jose Luis Padron

Simulakro bat
Leire Ugadi

Ibon Egaña

Bigarren sexua
Simone de Beauvoir

Mikel Asurmendi

Artxiboa

2025(e)ko ekaina

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

2024(e)ko iraila

2024(e)ko abuztua

2024(e)ko uztaila

Hedabideak