kritiken hemeroteka

7.507 kritika

Azken kritikak

« | »

Pendrive / Arrate Mardaras / Susa, 2013

Maitasunez eri Javier Rojo / El Diario Vasco, 2013-12-13

Arrate Mardarasek bere literatur aurkezpena utzi digu Pendrive izenburua duen idazlan honetan. Narrazio bilduma bat da hau eta bertan bi testu mota biltzen direla nabarmena da oso.

Alde batetik, historiako hainbat momentutan kokatzen diren amodiozko istorio batzuk agertzen zaizkigu. Ahalegin handia egin du istorio bakoitza bere garaian kokatzeko. Gorabehera historikoak azaltzen ditu, datu oso zehatzak-eta emanez, baina batzuetan zehaztasun horrek irakurlea nahasi dezake, gorabehera historiko horiei arretaz erreparatu ezean, istorioaren nondik-norakoak gal litezke-eta. Baina ahalegin handiena hizkeraren alorrean egin duela iruditzen zait. Izan ere, garai bakoitzari bere hizkuntza dagokio: adibidez, prehistorian kokatutako narrazioan erabiltzen den idazkeran erromantzeetatik datozkeen hitz guztiak baztertzen saiatu da idazlea garaiaren kutsua eman nahirik. Bestalde, amodioaz aritzen diren narrazio historiko hauetan azaltzen diren argumentuetan muturrera eramandako maitasun erromantikoaren adibideak azaltzen dira. Pertsonaiak edozein gauza egiteko prest agertzen dira maite duten pertsonarekin bat egiteko, edozein gauza egiteak galmendira eramaten baditu ere. Maitasunak, horrelako kasuetan, erotasun-eritasun mota bat dirudi, eta gehienetan, maitasun erromantikoetan ikusi ohi den bezala.

Beste testuak pendrive baten inguruan aritzen dira, eta neurri batean liburuari nolabaiteko batasuna emateko erabiltzen dira. Ez dakit pendrivearen presentzia sinbolotzat-edo hartu behar den, flash memory den aldetik, memoria gorde beharra gogora ekar lezake-eta.

Edonola ere, liburu honi batzuetan literaturaren gaineko ariketa bildumaren antza hartu diot, teknika eta idazkera desberdinak probatzeko nahia nabarmenegia iruditu baitzait.

Azken kritikak

Gernika 81
Xabier Soubelet

Amaia Serrano Mariezkurrena

Moskito
Igor Estankona

Aiora Sampedro

Amua
Aritz Gorrotxategi

Joannes Jauregi

Moskito
Igor Estankona

Javier Rojo

Winston
Martin Etxeberria

Mikel Asurmendi

Hik ez dakik zer den beldurra
Karlos Linazasoro

Alaitz Andreu

Kapitalismoa eta emakumeen aurkako indarkeria
Silvia Federici

Irati Majuelo

Txipiroiak bere beltzean
Rafa Egiguren

Hasier Rekondo

Zendabalitz
Erika Elizari

Javier Rojo

Etxera bidean
Xamar

Mikel Asurmendi

Miñan
Amets Arzallus Antia

Mikel Asurmendi

Zendabalitz
Erika Elizari

Aiora Sampedro

Isiltasun urte luzeak
Francisco Castro

Joannes Jauregi

Bertsoaren harria
Koldo Izagirre

Mikel Asurmendi

Artxiboa

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Hedabideak