kritiken hemeroteka

8.001 kritika

Azken kritikak

« | »

Kointzidentzia hutsa / Itziar Minguez (Aritz Gorrotxategi) / Point de lunettes, 2011

Neurtitz urratua Juan Ramon Makuso / El Diario Vasco, 2011-08-19

Liburu asko daude irakurtzeko. Edo ez. Batzuetan, liburutegiko apaletan, liburu-dendetako erakusleihoetan, liburuak ikusi, ikusi egiten ditugu, baina ez gara ia ohartzen hor daudela. Itziar Mínguez, Barakaldoko poeta da, bere lan guztiak gazteleraz argitaratu ditu, eta hemen aurkezten dudan liburua, ia bere tituluak dioen bezala, ene eskuartera etorri da. Pura coincidencia / Kointzidentzia hutsa. Liburua elebiduna da, Aritz Gorrotxategik euskaratu du, eta, agian, lehenagotik bere gaztelerazko liburuak ezagutzen ez baziren gurean, orain beste aukera bat dugu Itziar Mínguezen lana irakurri eta dastatzeko. Bere ibilbide poetikoa luzea da, eta bertan nagusiki poesia narratibo bat agertzen da; eguneroko irudiak erabiltzen ditu bere poemak lantzerako orduan. Bere poesiak badu iraganekiko nolabaiteko lotura bat, ia-ia obsesiboa, “jada ez dut gogoratzen nolakoa nintzen / ni hain zurea izan aurretik / ideia lauso bat / zirriborro bat”. Bere poesiak aurkezten du nolabaiteko ezinegon bat, unea betierekoa bihurtzearena. Arestian aipatu dugu bere poesia narratiboa dela eta honek, agian, badu arrisku bat eta da, poeta bihurtzen dela hitzen ebakitzaile bat, nahiz eta honek ere sortzen duen poemaren erritmoa. “denbora arduratuko da neurtitz hauek / zahartzeaz / hitz pilatuak / poema bokazioarekin / iraganeko uren edale”. Liburuak hamazazpi poema ditu eta bertan, poema oso laburretik, poema luzeetara igarotzen da irakurlea, eta honek ematen dio halako intentsitatea irakurketari, neurtitzak bata bestearekin lotzen baitira, eta honek irakurketaren denbora hausten du. Liburuak poesi zale den edonor, beteko du eta Minguezen poesiaren proposamena ez du ahaztuko.

Azken kritikak

Lagun minak
Jon Benito

Asier Urkiza

Ene anaia femeninoa
Marina Tsvetaieva

Nagore Fernandez

Analfabetoa idazle
Agota Kristof

Ainhoa Aldazabal Gallastegui

Erradikalak
Ane Labaka Mayoz / Beatriz Egizabal Ollokiegi

Jon Martin-Etxebeste

Eraikuntzarako materiala
Eider Rodriguez

Mikel Asurmendi

Hotza bazkatzen
Izaskun Igoa Jaimerena

Irati Majuelo

Krakovia
Goizalde Landabaso

Ainhoa Aldazabal Gallastegui

Austerlitz
W.G. Sebald

Hasier Rekondo

M ama* eme* ume*
Erika Lagoma / Estitxu Fernandez

Jon Martin-Etxebeste

Soka
Mikel Gurrea

Nagore Fernandez

Ez erran inori
Maddi Ane Txoperena

Asier Urkiza

39 lore
Amancay Gaztañaga

Amaia Alvarez Uria

Austerlitz
W.G. Sebald

Jon Martin-Etxebeste

Sed quia sua
Iñaki Segurola

Oier Iruretagoiena

Artxiboa

Ekaina 2022

Maiatza 2022

Apirila 2022

Martxoa 2022

Otsaila 2022

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Uztaila 2021

Hedabideak