susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Egia eta fikzioa | Absurdua »

Mentura dugun artean / Anjel Lertxundi / Alberdania, 2001

Mentura dugun artean Kirmen Uribe / The Balde, 2002-03

“Liburutegi pertsonal oro bizitza baten egitasmoa eta ispilua da”. Liburuaren lehen esaldia dugu, autoreak lan honetara aldatu digun askoren artean lehena, eta liburuaren atea zabaltzen digun urrezko giltza. Mentura dugun artean-ek Anjel Lertxundiren liburu-mundua erakutsi digu. Mundu horren barruan, eta kanpoan, diren lan eta egileak biblioteka osoa eratu arte. Bertan bildu ditu Shakespeare eta Gandiagoa, Pavese eta Adorno, Peru Abarca-ko Maisu Juan eta Kipling, txirikordan. Mitoez, tradizioaz, ahozko literaturaz, hots txikiko hizkuntzetako idazleez eta hizkuntza landuetakoez… Anjel Lertxundik bat egin du Borgesekin eta testurik apalenei ere leku egin die bere bibliotekan, Babelgo liburutegian, letren errepublikan Unibertsoa esaten dioten horretan. Saiakera dotorea, oso.