susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Herio jantzia | Beste gizonezkoak maite dituzten gizon ondratuak »

Galerna / Iratxe Esnaola / Elkar, 2010

Galernaren zain Javier Rojo / El Correo, 2010-05-08

ertsonaiak itsasotik etorriko omen den galernaren zain dauden bitartean, beren harremanetan ere galerna sortuko da eta eztanda egingo du. Giroak itogarria izan nahi du, hotelak eta apartamentuek errepresentatzen duten leku itxiarekin eta nagusi den beroarekin, eta lehenengo momentutik nabarmena da pertsonaiek ikustea espero duten galerna horrek zerikusi gehiago duela pertsonaiei gertatuko zaienarekin benetako fenomeno atmosferiko batekin baino.

Liburuaren kontrazalean idazkera hotz eta zorrotza aipatzen da. Egia esan, nik ez nuke bertako idazkera halaxe definituko, nabarmena baita idazkera horren atzean estilo-ariketa iradokitzaile baten asmoa dagoela. Lortu duen ala ez beste kontu bat da. Liburua bestaldetik, oso teatrala iruditu zait, zentzurik txarrenean, politikoren batek esango lukeen bezala. Izan ere, pertsonaiak era exageratu batean jokatzen ari direla ematen baitu, sobreaktuatzen egongo balira bezala, beren sentimenduak era nabarmenegian azaldu beharko balituzte bezala.

Nobela irakurtzean iruditu zait nobela bera idatzi baino lehen idazleak eskema bat oso argi zuela eta testua idaztean eskema hori betetzen ibili dela. Hau da, literatur lanean agertzen diren osagai guztiak eskema horri egokitzen saiatu dela, batzuetan egoera bortxatu behar bazen ere.