kritiken hemeroteka

8.087 kritika

Azken kritikak

« | »

Autokarabana / Fermin Etxegoien / Pamiela, 2009

Distantziak Felipe Juaristi / El Diario Vasco, 2010-03-19

Fermin Etxegoienek eleberri honetan ekarri digun historia ezaguna egiten zaigu guztiz, xehetasunak gorabehera. Banatu berri den gizonezkoaren bizitza ez hain berria kontatzen du; dituen arazoak euskarri sentimentalak aurkitzeko, gurasoenekora egokitzeko saioak, emazte ohiarekiko eta harekin izandako alabarekikoak bete beharrak. Kontatzen den horretatik oso alderdi gutxi zaizkigu arrotzak. Entzunak baititugu, eta ikusiak ere bai bazterretan; pairatuak, besteen buruetan izan bada ere.

Errealitatera hurbilduz (gaur egun errealitate deitzen den kontzeptu horri heldu dakiokeen neurrian), herri txiki bateko eguneroko bizitza islatzen saiatu da idazlea. Pertsonaia, izan ere, Bilboren eta herri txiki horren (Oñati?) artean baitabil, batera gehiago bestera baino. Badira narrazioan zehar nahita sartutako deskribapenak, kronika usaina ematen diotenak. Beharbada, testu autobiografikoa ez izanik, soberan daude testuok. Pertsonaia bere inguruan kokatzen lagungarri badira ere, ez dira bereziki fikziokoak; alegia gehiago dira idazlearen baitako alorrak, kanpokoak baino.

Kontaera, dena dela, bizia da eta hurbila. Hizkuntza erabat komunikatiboa darabil Etxegoienek, erregistro markatua. Kaleko hizkera aukeratu du, eta badirudi, batzuetan, lagun arteko kontaera dela, taberna zulo bateko tertulia informal bateko solasaldia. Nork bere arazoak kontatuz, bere kezkak esanez, girotzen diren horietakoa, laguntza bainoago, entzuleak bilatzen dituen horietakoa. Ironia ere ez da falta; herri txikietan (fedeko kontuak izanagatik) sakratuak izatera iritsi diren sinesmen eta ohitura horiekiko nolabaiteko distantziamendua. Horrek, testuan, familiartasuna esan nahi du: beldurrik eza eta nork bere burua zalantzan jartzeko beharra.

Azken kritikak

Gari eta goroldiozko
Anari Alberdi Santesteban

Ibai Atutxa Ordeñana

Winesburg, Ohio
Sherwood Anderson

Nagore Fernandez

Suite frantsesa (bertsio argitaragabea)
Irene Nemirovski

Asier Urkiza

Haragizko mamuak
Karmele Mitxelena

Jon Martin-Etxebeste

Sorgin-argien ehizan
Joan Mari Irigoien

Mikel Asurmendi

Balio erantzia
Ekaitz Goikoetxea

Mikel Asurmendi

Berriz zentauro
Katixa Agirre

Amaia Alvarez Uria

Poesia kaiera
Federico Garcia Lorca

Nagore Fernandez

Humanitatearen une gorenak
Aritz Galarraga

Asier Urkiza

Soniexka
Ludmila Ulitskaia

Ibon Egaña

Solteroen dantzalekuak
Joxean Agirre

Mikel Asurmendi

Petare
Leire Ibarguren

Jose Luis Padron

Poema liburu bat —irakurtzeko jarraibideak—
Angel Erro

Hasier Rekondo

Norberak maite duena
Miren Billalabeitia

Paloma Rodriguez-Miñambres

Artxiboa

2023(e)ko urtarrila

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

Hedabideak