susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gorputza eta ahotsa | Lur bat zure minari »

Traizioak / Iban Zaldua / Erein, 2001

Traizioak Castillo Suarez / Guaixe, 2002-01

Askotan azpi-genero gisa konsideratu izan da ipuina, bigarren mailakoa. Iban Zalduak, berriz, ipuinaren balioa aldarrikatu nahi du bere lan honetan. Bere intentsitatea eta indarra, bere bat-batekotasuna eta harridura sortzeko gaitasuna.

Iban Zalduaren lan guztiak narrazio-bildumak dira, eta azken lan honetan ere berrogei narrazio bildu ditu: batzuk oso motzak dira, flash modukoak alegia eta besteak luzeagoak, kapituluka antolatuak. Batzuk ipuin tradizional-literario itxurakoak dira eta beste batzuk iritzi-artikuluen gisakoak dira.

Bada ideia bat ipuin guztiei lotura eta batasuna ematen diena: traizioak; traizioak errealismoari, iraultzari, memoriari, aberriari eta literaturari. Traizioa eta kontraesanak, krudelkeria, zentzugabekeria… Egoera errealak zeinen irreal izan daitezkeen aditzera ematen digu Zalduak, zeinen erraza den gerure buruari iruzur egitea.