susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Ihesaldia | Hariak »

Iraganean galdua / Abelin Linazisoro / Txalaparta, 2001

Iraganean galdua Gurutze Jauregi / Aizu!, 2002-02

Liburua: Ixiar hilzorian dago eta Agustin senargai ohia ikusi behar duela diotso senarrari, behin eta berriz. Kezka handiren bat du barnean, baina senarrari ez dio ezer esan nahi. Hogeita bi urte iragan dira bereizi zirenetik eta Agustinek ezin du ulertu zein izan daitekeen berarekin hitz egin nahi izateko arrazoia. Bien artekoa, borroka armatua bidetzat hartu zuten bi ekintzaileren arteko maitasun ezinezkoa izan zen.

Emaitza: Abelin Linazisororen bigarren eleberri honek osagai guztiak ongi orekatuak dituen amodio istorio eder baten ibilaldian barna murgiltzen du irakurlea. Bestalde, maitasun kontakizun horren protagonistak bi ETAkide izateak gazi-gozo ugari duen gertakizun eta akzioa gehitzen dio istorioari, sentimendu biziko nahasketa emanez.

Nabarmentzekoa: Agustinen pentsaeren bitartez, Euskal Herriko azken hamarkadetako gertaera garrantzitsuak oroitarazten dira, istorioa oso ongi kontestualizatuz. Azpimarratzekoa da, halaber, egoerak, gertakariak, sentimenduak… xehetasun errealaz deskribatzen dituela; hau da, irakurtzen zoazen heinean, oso erraz irudikatzen duzu kontatzen zaizuna.

Esaldia: Esaldi aipagarri asko dago, adibidez: “Amaren sabelean bizi ahal izateko haurrak zilbor-hestea nahitaezkoa duen bezala, preso politikoak herriaren bilakabidea ezagutzea behar-beharrezkoa du espetxeko hormak gainera eror ez dakizkion”.