« Tene lehiaketa | Konpromezurako bidea »
Septentrio / Aurelia Arkotxa / Alberdania, 2001
Iparrerat Felipe Juaristi / El Diario Vasco, 2001-12-08
Deigarria egiten da liburua hasieratik, liburu honetan, itsaso guztiak ez ezik, egon daitezkeen jenero guztiak biltzen baitira, ezagunak batzuk, eta ez hain ezagunak besteak. Elaberri tankera duten eleberriak, narrazio itxura hartzen duten narrazioak, poesia, bai, poesía azpitik beti, urpekari bat balitz bezala. Esaterako: “itsasturi zaharren itsaso/ gehiago ez den/ itsaso/ oroitzan ere ez”. Izenburua jakin nahi baduzue hauxe, Septentrio. Iparra, hobeki esan, euskaldun zintzo eta peto askoren helburu, zeinek beren itsasontzietan marinel gisa hara jotzen baitzuten bizigaien bila. Eta aurkitu ere bai batzuetan, bizitza; eta bestetan, heriotz beltza. Marinel herria baikara neurri batez; itsasoak ekarri dizkigu guri, euskaldunoi, loria eta aintza-une zoragarriak, oroitzapen gaziak, balearen aurka borrokatu ginela ziurtatzen digutenak, eta irabazi, beti irabazi, jo eta irabazi. Iparra: Martin de Hoyarzabal, Espainiako
fronteretako euskaldun kapitaina; Donibane Lohitzuneko Piarres Decheverry, izengoitiz Dorre pilotua; eta beste asko eta asko, Aurelia Arkotxak jaso eta bildu, jaso eta liburura ekarri egin dituenak. Kenneth White-k, liburuari eskaini dion sarrerako testuan dio: “Aurelia Arkotxak, honela baderraket, desagertu den euskaldun izaera du. Erran nahi dut bere gogoaren zolan daukala euskal kultura, badakiela euskal marinelen harat-honaten kartografia, urrun dagoela ideología identitariotik eta bortizkeriaren bidez adierazten diren eskaera burrunbatsuetarik, ondikotz ezer ez baita gelditzen hauek baizik, hondoaren bermea galtzen denean, eta axaleko uhagunean zalapartaka ibiltzeaz besterik ezin egin daitekeenean”. Le thème, toujours le même thème. Hain diferenteak ote gara gure arbasoen aldean? Iparraldetik sortaldera, beti gai bera, ez al da? “Grand Manan V ferryan/ bi marinel cribaggean/ jostetan ari/ killing time”. Ekialderantz Marco Polo joan zen eta bidaia haren minez idatzi du Aurelia Arkotxak liburuko testurik samurren, gozoen eta ederrena. Bada sortaldea nahiagoa duenik.
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos