« Arrats-beran | Zubimendi ta Lauaxeta »

Arrats beran / Lauaxeta / Verdes Atxirika, 1935

Arrats-beran Mogel / Ekin, 1935-08-17

Irakurri dot liburutxu au. Olerki txorta barria. Azalez bikaña, dotore-dotorea. Olerkiz neure biotza asetu, ta berau bear zan bestean goratzeko asmoz irakurri izan dot. Baña egi-egiz, biotza asetu baño mingoztu geyago egin daust. ¿Zelan mingoztu ez “Jaungoiko Zale”ko bat? Idazti onek Erlejiño-gaiz akats andiak daukoz, eta Erlejiño-arauz akats ta utsegiteak dituan gauzarik ezin “euskeldun fededun” izan nai duanari atsegin izan; ezin ezetara be aise emon. ¿Nungo Zillegiztiak ete diño (63’gr. orria) “neskutz-usañez ezpanak ezin daikezuz orbandu”? ¿Zeñek “emaztetxuba urketutia” oben eztala? ¿Zeñek “apez- ardua bukatzea” pekatu parkatu-eziña dala? Esakun oneik etxataz ezetara be atsegin, ta ezta beste 24 ta 29’garren orraildeko esakun asartuak be. Onixegaitik “Arrats-beran” ezin iruntzi izan dot, ba, ta gitxiago oraindik be bigarren labankada lez artzen dodalako, ta Erlejiño-gaiak edozelan darabilguzala iruditen yatazalako. Len, “Maitale-kutunean” iñoan:

“Zerutar egak ditu maitasun zaliak lurrera baizen sarri so dagi ortzira, bere leuntasun ziar mosu sutusbenak ezpan gañean otoi bijurtuten dira”.

Orduan maitekiro itzez ta gero “El Día”n idatziz ots egin yakon. tamala onuai jaramonik ez egitea. Mingarria Jaungoikoak Euskereak burua jasotzea nai dauanean Euskerea Euskereaz orbantzea!