susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “Dena dela”: liburu definigaitza | Ez ei dugun kritika horren bila »

Euskal idazian guztiak. (9 liburuki) / Koldo Mitxelena / Euskal Editoreen Elkartea, 1988

Koldo Mitxelena Josu Landa / Argia, 1989-03-19

Mitxelenak euskaraz idatzitako guztiak bederatzi liburutan bildu zizkiguten iazko bukaera aiderako. Mitxelenaren idazlanen ekarpena bi hitzetan sintetizatzea zaila bada ere, esan daiteke eduki aldetik eragin handiena izan dutenak erdaraz idatziak izan direla, eta alde horretatik liburuki hauetan gauza handirik ez da. Hizkuntz aldetik Mitxelenak erabiltzen zuen euskarak berak suposatu duen iturri iraultzailea da oraingoan dastatzera ematen zaiguna.

Klasikoen eta euskararen ezagupen sakonetik abiatuta Mitxelenak hizkuntza irauli egin ohi du, malgutu eta trinkotu. Azaltzen dituen ideiez gain, bere idazkerak praktikan etengabe egiten dizkigun proposamenak aztergai zoragarriak dira. Hasierako idazlan “sinpleagoetatik” azken aldiko artikulu eta hitzaurre kriptikoetara (ulergaitzegiak, kasu askotan), azpimarratuz eta ikasiz irakurtzeko moduko abaniko zabal-zabala eskaintzen digu Blanca Urgellek, Patxi Altunak, Joseba Lakarrak eta Ibon Sarasolak burututako bildumak.