susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Bizitzako gazi-gezak | “Falo zantarra”: ez nago ados »

Cristaubaren icasbidea edo Doctrina Cristiania / Gaspar Astete (Juan Antonio Mogel) / Euskaltzaindia, 1987

Cristaubaren icasbidea edo Doctrina Cristiania Dabid Zuazalde / Argia, 1988-05-01

Euskaltzaindiaren “Euskararen lekukoak” bildumako hamalaugarrena egiten du honek, eta Instituzio horretako buru den Villasantek Mogel zaharraren, “Peru Abarka”ren egilearen dotrina bat hautatu digu eta lehenbiziko aldiz argitara ematen.

Mogel gipuzkeraz idazten hasi zen, eta gero —literaturaren historiarako interesgarri baina hemen azaltzeko luzeegi diren arrazoiak zirela eta— bizkaierara pasa. Dotrina hau ere euskalki horretan idatzia da, baina Mogelek berak aitortzen duenez lapurtar batetik moldatua. Villasantek argitzen digu lapurtar hori Lavieuxvillerena dela (bilduma bereko 11.ean argitara emana).

Orain artean izkutuan egon da obra hau, “Peru Abarka” ere urte askotan egon zen bezala. Ez omen dago Mogelen eskuizkriburik baina bai bien beste bi kodize: Arantzazukoa eta Deriokoa. Villasantek Arantzazukoa hartu du oinarritzat eta bien arteko aldeen berri ere ematen du.

Liburuan, dotrinaz gain, Villasanteren lanak ditugu: sarrera luze bat, bi eskuizkribuen azterketa eta hiztegi bat. Horretaz aparte, eskuizkribuen fotokopia batzuk.