susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Baserritar nekuezaleentzako (sic) escolia | Onkoteak »

Irribarrea galtzen danean / Eusebio Erkiaga / Bizkaiko Foru Aldundia, 1987

Irribarrea galtzen danean Dabid Zuazalde / Argia, 1988-03-06

Elaberri honek Bizkaiko Aldundiaren 86eko Saria eskuratu zuen, eta antolatzaileek iazkoan argitaratu zuten, Jaurerritik kanpo banatzen berandutxo ibili badira ere. Izan ere, Eusebio Erkiagak Euskal Herri osorako zer esana baduelakoan gaude. Entzun dugunez —hau kaleratzerako gauza jakina izango da— Erkiagari eman diote aurtengoan Jaurlaritzaren Euskal Letretako Merezimenduzko Saria, bizitza osoko euskal kulturaren aldeko ahaleginagatik. Zorionak geure aldetik ere.

Nobela honetan dibortzio bezalako gaiak jorratu ditu Erkiagak, bizitzaren aldeko mezu baikor batez. Bestalde, Erkiagaren etorri oparoa aipatu behar, euskara aberatsa. Hemen ere bizkaiera batutzat edo finkatu den eredua erabiltzen da. Honetaz agian balegoke zer komentaturik: bere hizkeratik batura hurbiltze aldera bultzatu zuten bizkaitarrek, eta dudarik ez dago batipat ortografian hurbiltze hori gauzatu dela; baina hortik aurrerako beste pausorik emateko asmorik ba ote dagoen galde genezake; guk behintzat ez dugu horrelakorik ikusten.

Dena den, denok ere geure ahalegintxoa egin behar dugunez, beste euskalkietakook bizkaierara gehixeago jartzeko aprobetxa genazake.