susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Gerratea eta gizona | Kafea hartzea Iruñean: ongi moldaturiko kontakizuna »

Sasiak begiak ere baditik / Aingeru Epalza / Elkar, 1986

Sasiak begiak ere baditik Mikel Mendizabal / Argia, 1987-01-11

Nafarroan lehen karlistadz garaian Arrieta izeneko gazto batek izandako bizikizunak kondatzen dizkigu abenturaz gainezka dagoen nobela motz honek. Baserria eta kontrabandoari utzi eta Don Carlosen tropetan sartzea erabakitzen du gazte honek. Frentean nahasketa batzu direla eta, Arrieta karlista militar liberal ospetsutzat hartzen dute eta Iruñera eramaten Ziudadelara. Han, garai hartako Iruñako giro desberdinak ezagutzen ditu, besteren artean aetz baten burdela. Bertan aurkitzen du bihotza ebatsiko dion bere herriko neskatoa. Artean, urrez beterikako boltsa nahastekatzen da nobelan, urdanga bereganatzen lagunduko diona.

Istorioa noski aurrera doa, batzuetan nahiko zail egiten den idazkeraz, beste aldeko eta Nafarroako hitz ugari baitakar nobelak.

Suspentsea eta larritasun giroa da nobelaren beste ezaugarria, dena abentura nagusiaren funtzioan dagoelarik. Abentura hauek, Arrieta baztandarrarenak, paper batzuetan aurkitu zituen Dionisio Santesteban Arizakun auzoko arizkundarrak kutxa batean. Etxebertz izeneko batek eman ditu argitara.

Aingeru Epalza iruñarra dugu, kazetaritzan lan egiten duena. Korrok taldean ere aritua da. Nobela motz honekin 1985. urteko Iruñeko udalaren literatur saria irabazi zuen, bere olerki batzuk ere aipamen-saria izan zutelarik.

Argitaratzen duen aurreneko nobela da.