susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Zerura igotzeko | Juan Mari Lekuonaren olerkigintza-bideak »

Bertso-paper printzatuak / Joxe Austin Arrieta / Elkar, 1986

Bertso-paper printzatuak Iñaki Camino / Argia, 1986-07-27

Ez dira oso ohizko halako olerki-liburuak gurean. Batetik Juan Mari Lekuonaren hitzaldi luzea, liburu barneko literatur-xehetasunak esplikatuz. Bestetik, Joxe Austinen olerkiak kopla eta bertsoekin nahasian ditugu: Espero zitekeen bezala olerkiak dira maila goren jaso dutenak, Juan Mari Lekuonaren ustetan sintesi garaian idatziak, “idazle heldu batek aurrera-pausu estimagarria eman du bere gailur-bide poetikoan”.

Olerki hauetan, lexikoa ulertzeko dagoen zailtasuna da nabarmen, hiztegi-arazoa beraz. Hauetan existentzi-gaiak ditugu, Joxe Austin, txori hil itzaliaren antzera doan denbora linburkorraz ari denean.

Badira bestalde herri honetako istilu eta broma politikoak gaitzat hartzen dituzten kopla eta bertsoak: herriaren alde beren larrua utzitakoei eginak, laneko egunerokotasunean ediren faltsukeria salatzekoak eta hainbat politikori sartu ziriak. Haurra, emakumea eta besteren bat liburuan.

Aski ongi utzi du Lekuona kritikoak Joxe Austinen lana.