susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Itsas izar bat zen | Babiecaren hotzikarak »

Joanak joan / Yon Etxaide / Erein, 1986

Joanak joan Iñaki Camino / Argia, 1986-04-27

Urteak dira elaberri hau kalera lehen aldiz irten zenetik, 31 hain zuzen. Sari bat irabazi berria atera zuten Zarauzko Kulixka sortakoek. Geroztik, urtetan ahiturik egon zen, duela sei urte Aurrezki Kutxa batek berriz atera zuen arte, edizio zuzendua oraingoan, aurrenekoaren hutsak orraztuta, eta orain hirugarren aldiz Erein-ek atera du berriz ere hobetua. Dakizuenez, Yon Etxaide bere lan guztiak euskara batura pasa dituen idazleetako bat da, lanak orraztu eta hobetzeagatik izugarri saiatzen dena.

Lana tradizionalki egina da, elaberri giristinoa deitu dio Yonek berak. Hau dioenak aurreneko irarraldia irakurri badu ere, hau ez beraz, hartaz oroitzen denaz zerbaitxo esango dizue. Pierre Topet Etxahun zuberotarra etsipen eta okerbidean bizitako pertsonaia dugu, iragan mendean munduak kurritu zituen euskalduna. Premu izaten segitzeko gehien maite zuen laguna, andregaia, utzi egin behar izan zuen, emakume, Etxaidek dioen bezala, doilor batekin ezkontzeko. Emakumea auzokoarekin ibiltzen hasi zitzaion eta behin hau hil ustetan aldameneko bizilaguna akabatu zuen Etxahunek. Kartzela, erbestea, irainak eta halakoen pean emango ditu urterik gehienak. Guzti honetan oinarriturik Yon Etxaidek elaberri bat egin zuen, eta hori da gaur azaltzen dizueguna, hobetua gainera geroztik. Hainbat urteren buruan, Jon Etxaideren lana ezagutua izan den une honetan, hara bere nobeletatik interesgarriena. Aurreneko argitaraldian zekartzan marrazkirik ez da oraingoan.