susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ta marbuta | Ametsetan galduta »

Jende ona nekez da aurkitzen / Flannery O'Connor (Mikel Azurmendi) / Baroja, 1985

Jende ona nekez da aurkitzen Iñaki Camino / Argia, 1986-01-12

Idazle amerikarra itzuli digu Mikel Azurmendik oraingoan aitzineko Baroja argitaletxean. Errealidadea narratzerakoan darabilen ironiagatik eta sortzen dituen egoera eta ixtant farregarriengatik dugu ezaguna Flannery.

Argitarazio honetan, “Jende ona nekez da aurkitzen” narrazioarekin batera, “Agian zeure bizitza da salbatzen ari zarena” dakar. Bata nahiz bestea giro amerikar ezagun horietakoan kokatzen ditu. Aurrenekoan, heriotzeak duen garrantzia hutsala izan daitekeela erakusten digu O’Connor-ek. Atlantako famelia bat oporretara joatekotan da, eta Florida aldera abiatzen dira txangoan. Bide erdian, amonaren apeta batengatik, kamio txigor batean sartzen dira eta ezezagun batzurekin topo egin. Ezezaguna forajido beldurgarri eta bihotzik gabea dugu. Harrezkero gertatzen direnak O’Connor-en estilo berezikoak ditugu. Bigarren ipuia iruzur baten historia da. Trenbideetako enplegatu besamotx batek ama eta alabari zurikeria bitartez iruzur egiten die hauen automobilaz jabetzeko. Hau nola bestea, motzak dira biak, entretenigarriak.