susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Denbora, nostalgia | …Julia dinotsut »

Hirustea / Aitxus Iñarra / Susa, 1985

Hirustea Iñaki Camino / Argia, 1985-11-10

Aitxus Iñarra bergararraren poema sorta kaleratu du Susa taldeak. 60 poemetan zehar, motzak gehienak, bizia, heriotzea eta amodioa ikusten ditugu. Haurrari edo lagun kuttunari zaion amodioa, amona xaharraren heriotzeak gugan sortzen duen ezintasuna, bizia besteen zorionaren bila eraman duenaren itzaltzeak eman ohi duen itolarria… Bizia izeneko sailean dauzkagun olerkietan gaiak askotarikoak dira: bizi eta heriotze arteko lotura etenezina maiz ageri da, odola eta natura ere behin baino gehiagotan.

Poemak poliki irakurri eta, betetzen ez gaituen zerbaiten inpresioa hartzen da, ideak landu gabeak dauden iritzia dut nik behintzat, iruditeria eta idea aberatsekiko jolasen falta nabarmen gertatu zait. Onenean neurea da itsukeria.

Ulermenaren aldetik, erraz samar aditzen da poetak esan nahi diguna. Inprenta hutsik bada liburuan barrena.