susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Oromenderrieta | Hirustea »

Julia diñotsut / Julen Arriolabengoa / Labayru, 1985

Julia dinotsut Iñaki Camino / Argia, 1985-11-03

Galburua sorta, irakurleari literatur mota atsegin eta irakurterreza eskuratzeko asmoz kaleratu dute, gazteentzat batez ere.

Julen Arriolabengoaren liburu honetan, neurri motzeko bost kontaera ditugu. Azkena, “Turrion” izenekoa, historikoa da, aintzinako ahaide nagusien burruka eta injustizien berri ematen diguna. Aramaioko jauntxoak bertako emakume gazteekin oheratzea du gustoko. Zeharo tradiziozkoa ageri zaigu ipuia. “Atxiloturik” izenekoa, kontzientzia garbi edukitzearen bentajak kontatzen dizkigun ipui motza dugu. Bada bestalde, ia nobela motz dei genezakeen bat. Baztango hotel batean sekretaria eder bat suge baten pozoiaz hil du norbaitek. Ikerketa eta miaketak gazte baten kontura doaz, eta Gasteizko Armentian somatuko du hiltzailea zein den. Beste munduko narrazioa ez den arren, denbora pasatzeko balio du. “Umeak sekulako” izenekoan, zahartzaroan agure batek jasan behar duen utzikeria salatzen da, maiteen dituen zapatilak eta kulunkaulkia kendu, eta herriak ekarriko dizkiote berari aurretik ezertarako iritzirik eskatzeke. Badira beste bi ipui motz ere, bata erdi aroko burruketan oinarritua, eta bestea maitasunari buruzkoa.

Egileak ohizko hizkuntza darabil gehien bat. Euskalkiz idazten du, bizkaieraz, baina batuz, h eta guzti.