susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Marx Althhousser-en arabera | “Urtero da aurten” Anjel Lertxundiren urteroko liburuaz »

Poema bilduma / Mikel Lasa / Erein, 1984

Poema bilduma Iñaki Camino / Argia, 1985-01-20

Inportantzia handiko idazlea dugu Lasa poesia kritiko guztien iritziz. Urte askotan idatzitako bere olerkiak 71. urtean argitaratu ziren “Irakur” sailean.

Olerti modernoaren ildotik abiatutako poeta lirikoa da Lasa. Europako korronteei irekia bizi dena. Gaiaren aldetik paradisoa, maitasuna, denbora eta existentzialismo arloko kontuak dira. Erein-ek egindakoa berrargitarapena bada ere, beste bost olerki erantsi dira oraingo honetan. “Unibertsitateko Liburutegia”, “Neurkinak”, “Diptikoa”, “Ghetoa” eta “Le cheval de la liberté”. Hauetan, negu ilunabarrean zuhaitzaren adarrek eta neska gazteak poetarengan sortzen duten burutazioa ageri zaizkigu, gauaren hutsunea, hutsuneak eta arbola biluziak idazlearengan duten atxikimendua. Olerki motzak dira berri hauek. Gainerako 28 olerkiak 71.ean publikatu zirenak dira.