« Bai mundu berria | X. Kintanaren “Behin batean” »

Zorion baten zainak / Gorka Trintxerpe / Etor, 1972

“Zorion baten zainak” J.M.A. / Zeruko Argia, 1972-07-09

Ori du izena Etor-ek atera digun liburuak. Egillea, Gorka Trintxerpe dugu; baiña goitizena du ori. Etxeko izena, Patxi Zabaleta du, liburuaren gibel-azalean irakurtzen dugunez.

Esan dezagun lehen bait lehen, liburua olerki liburua dela, eta itz lauz edo prosaz dakartzin bi-iru orrialde ez beste, bertso askatuan egina dagoela.

Zortzi zati edo ditu liburuak. Zortzi kantu ere esan dezakegu nolabait esateko. Guzi oietan ematen dituen ideiak artzeko, ez dio kalterik egingo irakurleari asieran datozen prosazko bi-iru orrialdeak irakurtzeak. Oinarrizko pentsamendu batzuk ematen dira orrialde oietan eta ondoren datorrena obeki artzeko laguntza bat dira.

Egia esan, Trintxerperen olerkiak ez du argitasun beharrik nundik nora dijoan ongi ikusteko. Olerkia bera argia du gure leitzarrak. Argia itzetan, iruditan, forman, ideien joanean, mensaje osoan.

Ariña du estiloa, eten ez balira bezela etenak eta olerkiaren joana zakartzen ez dutenak, baizik kizkur batzuk sortzen bakarrik, errekako arriek uraren joanari antzo, doiñu berezi bat sorrerazten diotela. Itz batean, berezkotasun izugarria badu olerki onek, eta atsegiñetan irakurriko dutela esango nuke olerkari kutsurik duten guziek.

Nunnahi arki ditezke, arritzeko ez dena, gaur egun modan dauden gaiak liburu ontan; baiña beste iñork gutxik bezela emanak, gure artean behintzat. Beste olerkari berri askok ez duten errikoitasuna ageri du leitzarrak. Itz batean eta bihotz bihotzez, “Aurrera” esaten diogu gure olerkari gazte oni.