susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Oroimenak sufriarazi egiten digu | Ipuina haragi egin zenean »

Rossettiren obsesioa / Ramon Saizarbitoria / Erein, 2001

Rossettiren obsesioa Castillo Suarez / Guaixe, 2001-07

Rossettik andrearen zerraldoan sartu zuen bere poema guztien kopia bakarra, eman zion tratu txarraz damututa. Hala ere, poemak ehortzi izanaz ere damutu zen eta andrearen gorpua hilobitik atera zuen.

Gure liburuaren protagonistari ulergarria gertatzen zitzaion norberaren obrarekiko obsesio hori. Izan ere, berak antzeko gauza bat egin nahi zuen: emakume bat seduzitzeko baliatu zuen testua berreskuratu, hain zuzen, beste emakume bat bereganatzeko.

Eta, egia esan, bi emakumeek testu desberdina behar dutela badirudi ere, irakurleari geratzen zaion inpresioa da biak nahiko antzekoak direla: burgesak, kultoak eta beregainak. Emakume bakoitza hiri bati loturik agertzen da: Eugenia Madrili eta Victoria Londresi. Eta ez dute berizgarri nabarmenik hiriaz landara.

Hiri hauen deskribapenek toki nabarmena duten Saizarbitoriaren nobelan, deskribapenez eta erreferentziez betetik baitago. Horretarako estilo trinko eta aberatsa baliatzen du, bikaina, baina batzuentzat nekagarria.