« Karruaren eremüetarik… | Poeta modernoaren zantzuak »
Hari hauskorrak / Rikardo Arregi Diaz de Heredia / Erein, 1993
Dardara hori Edorta Jimenez / Euskaldunon Egunkaria, 1993-04-25
Poesia idazten duenak hobe luke bere buruaz beste egitea, soka hartu eta urkatu; halaxe irizten diogu batek baino gehiagok behin baino gehiagotan. Hala eta guztiz ere poeta berriak datoz, etorri, liburu berriekin. Hala nola, Rikardo Arregi Diaz de Heredia, zeinaren liburua, “Hari hauskorrak” izenekoa, eskuartean ibili dudan azken egunokin eta, argi eta artez-artez esateko esan nahi dut poesiari nabaritu behar zaion dardara hori nire egin dudala zenbait unetan.
Dardara hori, poesiarena, musika sokak antzez eta egokiro haztatzen direnean geratzen den oihartzuna lakoa dela esango nuke, zeren eta liburuaren izenak berak luzatzen baitigu gonbitea, konparazionea egin dezagun. Bost hari, bost sokatxo hauskor, zeina bere hots-uhinekin eta kromatismoarekin, hara Diaz de Herediak eskaintzen digun kontzertua.
Lehen sokari, lainozkoa eta nota laburrak dakartzana bera, “Ezpata herdoildua” deritza. “Mihien arraildura” bigarren sokak nota epikoak jotzen ditu. “Shibylla”, hirugarrena, Mediterraneoko mahats aleen oihartzuna da; hoba ez. “Arbasoak” ditugu gero hurrengoa, zeren zer ote gintezkeen gu, Pessoa, Leizarraga, Bach edo Cernuda gabe? Hutsaren hurrengoa edo? Bada, bostgarren haria geratzen da, azkena, poetak berak ere halaxe izendaturik duena, “Boskarren haria”. Egia aitortu behar diot egileari, ez dut besteak bezain doi tenkaturik antzeman azken soka hori. Edo nire begietako hatzek ez dakite dardararazten. Berdin dio horrek, ardura duena liburua beronek merezi dituen begi guztiek dasta dezaten baita, noiz-eta poesia ez suizidatzeko —esateko modu bat besterik ez da— arrazoietariko bat ere izan daitekeen honetan.
Itzala
Maixa Zugasti
Ainhoa Aldazabal Gallastegui
Datorren udan ez gara hemen biziko
Ane Zubeldia Magriñá
Asier Urkiza
Fikziraultzaileak
Kamikaz Kolektiboa
Nagore Fernandez
Haurdunaldi oharrak
Yoko Ogawa
Maialen Sobrino Lopez
Ni, laiko
Markos Zapiain
Mikel Asurmendi
Zainetatik zilarra
Nahia Intxausti
Maddi Galdos Areta
Alderantzira zamalka
Mckenzie Wark
Irati Majuelo
Harakinen alaba
Yurre Ugarte
Joxe Aldasoro
Gaueko zaintzailea
Julen Belamuno
Mikel Asurmendi
Erbeste
Juan Garzia
Asier Urkiza
Barne zerbitzuak
Katixa Agirre
Maialen Sobrino Lopez
Biba gorriac!
Imanol Murua Uria
Mikel Asurmendi
Mundu guztiak
Ruben Sanchez Bakaikoa
Patxi Iturregi
Terraza debekatua
Fatima Mernissi
Amaia Alvarez Uria