« Desioaren bila | Dinesenen bost bitxi »

Fusilak pizten dituen sua / Félix Guerra / Froilán Escobar (Fernando Arburua Iparragirre) / Txalaparta, 1991

Heroi kolektibo baten oroitzapen eta gogoetak Julen Zulueta / Euskaldunon Egunkaria, 1992-04-03

Munduak azken urteotan bizi izan duen iraultzarik garrantzitsuenetako bat, Cubakoa izan da, dudarik gabe. Fernando Arburua Iparragirrek euskaraturik eta Txalaparta argitaletxearen “Amaiur” sailaren bidez, Sierra Maestrako gerrila garaiko hainbat pasadizoren kontaketa irakur dezakegu orain, euskaraz, Felix Guerra eta Froilan Escobar-en ikuspegitik, eta kontaketa horien bidez gerrila horretako izpirituaren berri izan ere bai. Lekukotasun benetan interesgarria, eta gaur egun Cubari buruzko jakinmina dutela diotenek ahaztu behar ez luketena.

Izan ere, liburuko kontrazalean irakur daitekeen bezala, “heroi kolektiboa” osatzen dute liburu honetan ezagutuko ditugun pertsonaiek, “beren oroitzapen eta gogoeta xumeekin, errepresiorik latzena eta borrokarik garratzena pairatu eta burutu zuten emazteki eta gizaki miresgarri hauek” azaltzen da kontrazalean. Interes biziko liburua beraz.