kritiken hemeroteka

8.301 kritika

« | »

Korapiloak / Jasone Osoro / Elkar, 2001

Jasone Osororen jolasak Jose Luis Padron / Bilbao, 2001-05

Har bezate beste udalerrik eta enpresek, Beasaingo Udalak eta CAF enpresak hartu duten literatur ardura, eta sortu daitezela hamaika IGARTZA idazle gazteentzako beka bazter guztietan. Horien arrimura jaio liburuek, Jasone Osoren Korapiloak (Elkar, 2001) kasu, onura baino ez baitiote ekartzen idazleari berari eta babes horren ondorioz sortu sormen-lanaz aberasten den euskal literaturari.

Maitasuna, gorrotoa, obsesioa, zeloak, kariñoa, paranoiak, sexua, heriotza… “Sentimenduen mundu zabal, ezezagun eta apasionanteak jositako trenbidea da Korapiloak eta bizi dugun voyeur garai honetan begiak gidatzen duen tranbia du ardatz” ipuin bildumak, egilearen beraren esanetan.

Azpimarratu zer nolako gaitasuna duen Jasone Osorok (Elgoibar, 1971) intimitatea inolako bortxaz erasotzeko, sutea semantikoki aktiboa zein irakurlearen eroso eta fereka egiten den haren borondatean.Naturaltasuna. Hitzak berez datoz, proposamenaren sentsibilitateak horretara erakarririk: “Nahikoa txintxetaz josita daukagu eguneroko bizitza literaturan ere mugak eta aurriritziak jartzen hasteko” dio Jasone Osorok.

17 dira bertara ekarri dituen ipuinak, eta baditu, nire ustez, batzuk besteak baino borobilagoak diskurtsoz, garrantziaz eta uztarduraz, “Plantxa” esate baterako, baina guztiotan bere begirada lotsagabea, zentzurik ederrenean, Tarantino zine zuzendariaren elikagaiak diruditen pasadizo asko eta asko, irudimenaren jolasa, ausaz moral mingotsari zorioneko tratu txarra, eta sexuaren gazikara gozoaren iturri preziatuak. Oso atsegina.

Jasone Osorok, “literaturari dagokionean askozaz askeago sentitzen naiz eguneroko bizitzan baino” nabarmentzen duenean, idazlearen paperaz ari da, gugan askatasuna kutsatzeko hartzen duen arduraz. Eta isurtzen du ipuinetan barna, euskal literaturaren ibaian sormen-ur berria osatzen duen hizkuntza.

Tentazioak izan zen bere lehenengo liburua, 1998an. Urte berean kaleratu zuen Isadora, Isadora Duncan dantzariaren biografia. Eta hirugarrena duen lan honetan, gizakiak berez duela bizitza korapilatzeko joera erakusten du Jasone Osorok eta korapiloak askatzen asmatzea dela, neurri batean, bizitzaren jolasa. Merezi duen jolasa.

Azken kritikak

Mesfida zaitez
Bea Salaberri

Irati Majuelo

Transgresioa irakasgai
Bell Hooks

Bestiak Liburutegia

Manttalingo alaba
Mikel Etxaburu

Paloma Rodriguez-Miñambres

Airemortuak
Gorka Salces Alcalde

Asier Urkiza

Haragizko mamuak
Karmele Mitxelena

Nagore Fernandez

Zoriontasunaren defentsan
Epikuro

Aritz Galarraga

Zeru-lurren liburua
Jon Gerediaga

Aitor Francos

Ez naiz ondo akordatzen
Karlos Linazasoro

Sara Cabrera

Gizon barregarriak
Joxean Agirre

Sara Cabrera

Ura ez baita beti gardena
Xabi Lasa

Irati Majuelo

Gaueko azken expressoa
Eneko Aizpurua

Ibon Egaña

Carvalho Euskadin
Jon Alonso

Aiora Sampedro

Gizadiaren oren gorenak
Stefan Zweig

Jon Jimenez

Gizon barregarriak
Joxean Agirre

Asier Urkiza

Artxiboa

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

Hedabideak