kritiken hemeroteka

7.325 kritika

Azken kritikak

« | »

Egun denak ez dira berdin / Xabier Etxeberria / Elkar, 2001

“Xalau idatzitako eleberri freskoa” Mikel Asurmendi / Irunero, 2001-05

Egun denak ez direla berdin uste baduzu, gaztea bazara eta literatura gustukoa baduzu, hona eleberri fresko bat. Heldua zarela, bada, Xabier Etxeberria zarauztarrak idatzitako lehen nobela honekin gaztetuko zara. Arin eta trabarik gabe irakurriko duzu eta literaturarekin zaletuko ere bai.

“Egun berri bat daukagu hemen, orain bakarrik behar dugu itxaropena zaindu eta inoiz ez galdu; egun danak ez dira berdin”, dio Delirium Tremens taldearen kantu baten hitzek. Gaztedi baten nortasuna edo soslaia osatzeko hitzpide damaigute berauek.

70ko hamarkadaren erdian munduratu zen euskal belaunaldiaren erretrato xumea egin du Xabier Etxeberria gazteak. Erretrato xumea eta aldi berean benetakoa burutu du, baita asmatu egin ere. Etxeberriak pertsonen baitan gezurra zein handia den agertarazi nahi izan du eta bere helburua erdietsi ere.

“Jada kalean, pauso tinkoz ibili nintzen kutsaduran barrena. Begiak triste nituen, oinetakoak zaharrak eta ez ninduen inork maite. Baina egiteko gauzak nituen. Nicky Belane nintzen ni, ikertzaile pribatua” dio Charles Bukowski idazleak. Eta egiteko gauzak ditu ere Tasio Ardanazek. Eleberriaren protagonistetako bat. Ez lanik, ez neskarik, deus taxuzkorik egiten ez duen 27 urteko gaztea. Ikerle pribatu lanetan hasiko da hartara. Bere ikerketak nobelaren ildo bat betetzen du. Miren tabernari gazteak bestea. Beste protagonista. Bi ildoek abiaburu ezberdina dute eta bat eginen dute nobelaren ondarrean. Artean, heriotza, maitasuna, pertsonaien psikologiak, intriga eta umoreak —beltza nahiz ironikoa— osatzen dute eleberria. Eleberri poliziakoa ere badena.

Ez da gutxi liburuak eskaintzen duena, ez horixe. Erritmo biziz eta idazkera arinaz idatzia. Hitz.batez, idazleak xalo idatzi du, kaleko hizkeraz. Zilegi bekit esamoldea hau erabiltzea: “Eleberria xalau (gatzadun, grazioso, xelebre) idatzia atera zaio Xabier Etxeberria idazle gazteari”.

Bejondeiola! Baita zuri ere irakurle horri!

Azken kritikak

Kontrako eztarritik
Uxue Alberdi

Sustrai Colina

Jamaikako neska
Joxemari Iturralde

Javier Rojo

Mari-mutil handi baten bluesa
Leslie Feinberg

Onintza Irureta Azkune

Idazleen gorputzak
Eider Rodriguez

Javier Rojo

Oroimenaren xaflakortasunaz
Paloma Rodriguez Miñambres

Javier Rojo

Urtaroak eta zeinuak
Jon Gerediaga

Igor Estankona

Maitasun keinu bat besterik ez
Hasier Arraiz

Iratxe Esparza

Hezurren erretura
Miren Agur Meabe

Hasier Rekondo

Deklaratzekorik ez
Beñat Sarasola

Javier Rojo

Mundutik mundua
Edu Zelaieta

Javier Rojo

Hezurren erretura
Miren Agur Meabe

Amaia Alvarez Uria

Iraganaren izterrak
Gorka Salces Alcalde

Igor Estankona

Jamaikako neska
Joxemari Iturralde

Estibalitz Ezkerra

Iraganaren izterrak
Gorka Salces Alcalde

Javier Rojo

Artxiboa

Abuztua 2019

Uztaila 2019

Ekaina 2019

Maiatza 2019

Apirila 2019

Martxoa 2019

Otsaila 2019

Urtarrila 2019

Abendua 2018

Azaroa 2018

Urria 2018

Iraila 2018

Hedabideak