kritiken hemeroteka

8.288 kritika

« | »

Nork bere bidea / Juan Jose Irazusta / Auspoa, 1994

Gure artean berriro Felipe Juaristi / El Diario Vasco, 1994-07-23

Oso ideia ona iruditu zait Auspoak aspaldi argitaratutako zenbait liburu berriro argitaratze-lanari ekitea. Espero dezagun birrargitaratze-lanari jarrai dezaten, eta eskura izan ditzagun atera zirenean lortzerikizan ez genituen liburuak. Izan ere, gu oso gazte ginen horrelako liburuak kaleratu zirenean, eta gero beti izan dugu haiek irakurtzeko gogoa. Niretzat, behintzat, atsegina izan da Juan José Irazustaren hau irakurtzea.

Interesgarria ere iruditzen zait orrialde hauetara ekartzea Aita Zabalak bigarren argitalpena dela-eta idatzi duen hitzaurrea, idazleak nobela gehiago zergatik idatzi ez zuen argitzen diguna hain zuzen: “Bein batean, nobela au moldatzen ari zalarik, ondoren beste bat idazteko asmoak agertu zizkidan Irazusta-k. Zer gai artuko zuen galdetu nion, eta erri txiki bateko mediku baten bizitzari buruz zerbait egitea gustatuko zitzaiola erantzun zidan. Ala, onako au bukatutakoan, bigarrena asteko eskatu nion. Baiña ezezkoa jaso nuen: leendabizikoarekin asko nekatu zala; gogorra zala bide guztiak eta irteerarik gabe gelditzea, nundik nora jo etzekiela; batekin naikoa zala…”

Mediku baten historia herri txiki batean, ez zen izango lehendabiziko aldia horretaz idatzi izan dela, baina, dena dela, ikusgarria izango litzatekeelakoan nago, baldin eta amaitzerik izan balu Irazustak.

Liburu honek baditu zenbait berezitasun aipatzeak komeni direnak. Martiñ, protagonista nagusia, gartzelan dago, Patagoniako leku batean, eta eskutitzak idazten dizkio bere gurasoei eta letra horien bidez bere bizitzaren zoritxarrak kontatzen dizkie. Gurasoek erantzunean, beren berri ematen diete eta baita Kaxildarena ere, Martiñen andregaia, haurdun utzita abandonatu egin zuena, eta baita bien semearena ere. Badirudi emakumea haurdun geratzea izan zela Martiñ Ameriketara bidali izan zuena. Kaxildak ere idazten dio eta Martiñek aukera izango du harekin bakeak egiteko, eta bere bizitzari errepasoa emateko.

Ondoren, doinua era aldatu egiten da nobela honetan eta askoz errealistago bihurtzen. Martiñek, gartzelatik irtenda, Buenos Airesen eramango duen bizitza kontatuko du. Tartean ere gutunak, Euskalerrira. Estilo erraza du, baina atsegina da, eta narratzeko gaitasun handia erakusten du Irazustak.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak