susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Historia asmatuz | Garai hartako heroia »

Ilargia ihesi / Rax Rinnekangas (Jose Fran Ispizua) / Erein, 1996

Uda batez Javier Rojo / El Correo, 1996-08-15

Aurten euskara eta finesaren artean halako quid pro quo bat gertatu dela ematen du. Joxemari Iturralde-ren Izua hemen eleberria hizkuntza horretara itzuli den bitartean, Rax Rinnekangas-en Ilargia ihesi euskaratu digu Jose Fran Ispizuak. Oroimenetik idatzitako eleberria da liburu hau, lehenengo pertsonan narratzaileak kontatzen baitigu nerabezarorako igarotzea, uda Finlandiako iparraldean osaba-izeben baserrian pasatzen zuen bitartean. Hango giro erlijioso hertsian, adiskidetasuna, amodioa eta sexua deskubrituko dituzte protagonistak eta bere lehengusuek; eta, batez ere, ikasiko dute elkartasuna askatasunerako bidea izan daitekeela, mundu propioa eraikitzeko aukera eskaintzen dien neurrian. Baina zorion horrekin batera, heriotzarekin ere topo egingo dute aurrez aurre modu absurdo batean eta jakingo dute heriotza ez dela ideia hutsa, errealitate gordina baizik. Uda horretan protagonistak bere ifernuko jeitsiera pairatuko du eta, horren ondorioz, helduen munduan indartsu bizitzeko esperientzia jasoko du. Ibilbide honen islada egokia osatzen du eleberriaren egiturak, poza, nahigabea eta bakea ikasketa prozesu latz honen aldiak direlarik. Liburu interesgarria, Finlandia aldetik datorkiguna.