susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Beirazko ipuinak | Bizitzak »

Telemake, Ulizeren semearen gertakuntzak / Jean Pierre Duvoisin / E.E.E, 1997

Klasiko bat Javier Rojo / El Correo, 1997-10-08

Jean Pierre Duvoisin (1810-1891) XIX. mendean euskal literaturak izan duen idazle garrantzitsuenetako bat da. Bonaparte printzeak izan zuen lankide, eta honen zuzendaritzapean, Ipar Euskal Herriko idazle honek lan eskerga egin zuen, batez ere itzulpenei dagokiela. Lan hauetan aipagarriena, beharbada, Biblia osoa euskaratzearena izango zen. Bere irudimenetik sortutako lanak, ordea, askoz urriagoak direla esan behar; dirudienez, bi lan besterik ez zuen bere kabuz sortu: Laborantzako liburua eta Baigorriko zazpi liliak. Telemakez ari den liburu hau lehenengo sailekotzat hartu beharko genuke, zeren Fénelon-en liburu baten atal batzuen itzulpen egokitua baita. Gaia nahiko ezaguna da, liburuan kontatzen baitira Telemakek Ulise bere aitaren bila egiten dituen bidaiak, Mentor laguntzaile zuela. Kontrakoa eman badezake ere, liburu hau ez da berez abenturazko nobela. Didaktikoa da nonbait: izan ere, anekdota hau aprobetxatuz, errege onaren ezaugarriak azaltzen saiatzen da-eta. Aipagarria da, baita ere, Elizabet Kruzeta edizio prestatzailearen lana, besteak beste, kontatzen baitu zentsurak izkutatutako atalen muina. Liburu honetan XIX. mendeko testu narratiboak pentsatzen genuen baino askoz ugariagoak direlako beste froga bat dugu.