susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Guardiako telefonoak | Etikaren mugak »

Jose Antonio Agirre / Aitor Zuberogoitia / Elkar, 1997

Agirreren biografia Javier Rojo / El Correo, 1997-10-22

Elkar argitaletxeak biografia txikien bilduma berri bati ekin dio. Sail honetako lehenengo liburua Jose Antonio Agirre, Eusko Jaurlaritzak izan zuen lehendabiziko lehendakariaz ari da. Pertsonaia ezagunen bizitzak kontatzen dizkiguten liburuek erakargarritasun berezi bat izan ohi dute, zeren beti baita interesgarria pertsonaia publikoaren atzean izkutatzen den bizitza ezagutzea. Baina biografia-liburuak interesgarriak izango badira, pertsonaia, berez, arrazoiren batengatik edo besterengatik, interesgarria izan behar da. Kasu honetan, nire ustez, horrela gertatzen da: Agirreren bizitzan osagai tragiko berezi bat dago, gerra zibil baten erdian lehendakaritzaren ardura hartzean, ezinbestez, bere ahalegin gehienek huts egingo zutela dakigularik, eta osagai tragiko horrek erakargarri bihurtzen du pertsonaia. Hau ikusteko gainera, uste dut ez dela beharrezkoa EAJkoa izatea. Baina biografian erdibideko ikuspuntu narratibo orekatua mantendu behar dela uste dut. Eta liburu honek honetan egiten du kale. Kontakizuna hagiografiaren eta abenturazko eleberriaren artean mugitzen da, gerrazko datuetan eta gerra osteko pasadiziotan galduta. Ondorioz, irakurleak pertsonaia lauso artean izkutatu zaiola pentsatuko du azkenean.