Karramarroaren aztarnak / Hasier Etxeberria / Elkar, 1997

Bidez bide Javier Rojo / El Correo, 1997-11-26

Hasier Etxebarria batez ere Euskal Telebistan egin duen lanagatik ezaguna bada ere, aitortu behar da azken hamabost urte hauetan liburu interesgarriak argitaratu dituela, lan hau kazetaritzan egindakoak estaltzen duen arren. Karramarroaren aztarnak seigarren liburua du eta bertan bost narrazio biltzen dira, horietako bi saridunak gainera. Istorio horietan, aldez edo moldez, bidaia batzuk kontatzen zaizkigu; adibidez, Horaziok Errusiarantz egiten duena, bere aitaren errautsek herri hori ezagutu dezaten. Beste istorio batean (Mexikon zehar orain) erakusten zaigu bihurgunerik gabeko errepide laua ere irteerarik gabeko laberintoa izan daitekeela. Ipuin guztietan saiatzen da bukaera berezia eta bitxia ematen, paradoxa edo dei litekeena sortzeko asmoz. Irakurlea ustekabean harrapatu nahi bide du bere bukaera horiekin. Dena den, batzutan, bukaera hauek ez dute ipuina borobiltzen, asmoa zuten bezala. Istorio batzuetan amaierak begibistakoak dira eta kasu batean behintzat (ez dut esango zein den, irakurleak berak arazorik gabe asmatuko baitu zertaz ari naizen) txantxaren itxura hartzen du. Xehetasun hau alde batera utzita, liburua nahikoa interesgarria iruditu zait, idazle trebe baten eskutik sortutako idazlan irakurgarria.