susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Absurdistango Eskualde Autonomo honetaz | Prosa gozoa »

Hil aurreko begirada / Ross Macdonald (Javi Cillero) / Igela, 1997

Eleberri beltza Javier Rojo / El Correo, 1997-12-10

Eleberri beltzaren topikoa da, batez ere Chandler-en eredu klasikoari jarraituz egiten diren idazlanetan, botereak (gehienetan aberastasunaren mozorroarekin) bere atzean alderdi ilunak ezkutatzen dituela. Izan ere, honelako eleberri beltzetan, aberastasunak beti gordetzen du hildakoren bat bere armairuan, eta batzutan hau ez da zentzu metaforikoan ulertu behar. Ross Macdonald-en eleberri honetan ere ideia horren inguruan eraikitzen da argumentua. Itxuraz bizitza eroso eta normala daramaten pertsonaia batzuei zerbait berezia (lapurreta bat honetan) gertatzen zaie. Honek abiadan jartzen ditu gertaeren segida eta, hau hasiz gero gelditzea ezinezkoa baita, pertsonaiek gordetzen dituzten sekretuak agertuko zaizkigu, beren iragan ilunak, beraien arteko harreman ezkutuak. Batzutan irakurleak hainbeste korapiloren artean galtzeko arriskuan dagoela pentsa badezake ere, ez du ahaztu behar eleberri hauek pazientzia piskat eskatzen dutela. Denak bere arrazoia du, batzutan irakurlearen susmoak baieztatuz, bestetan alde batera utziz. Elkarrizketak dira liburuaren beste puntu aipagarri bat. Idazleak halako trebezia bitxia erakutsi du elkarrizketa zuzen eta bizi hauek idaztean, baita itzultzaileak ere euskaratzean.