susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Txikitik handira | Literatura, funtsean, kontatzen jakitea da »

Zirrikituak / Aintzane Galardi / BBK-Euskaltzaindia, 2007

Bidaia poetikoa Javier Rojo / El Correo, 2007-08-29

Aintzane Galardi Portuk “Zirrikituak” izeneko poema liburuarekin 2006.ko Felipe Arrese Beitia saria eskuratu zuen. Poesia hauek zenbait ezaugarri nabarmen dauzkate. Kulturalismorako joera deigarria izan daiteke lehenengoa, bertako erreferentzietan, artearen, mundu klasikoaren edota Txinaren kulturaren islak agertzen baitira, poema bakoitzaren hasieran jartzen diren zitak ahaztu gabe, poesiaren bidezko bidaia izango balitz bezala liburua.

Beste ezaugarri bat, poema hauek narratiboak izateko joera daukatela izan daiteke, gehienetan istorio baten aztarnak agertzen baitira, desengainuz eta ironiaz beterik askotan. Edonola ere, liburu hau oso eredu nabarmenean oinarritzen da: Begi bistakoa iruditu zait Jose María Alvarez-en itzala, zuzen zein zeharkakoa, zeren askotan aipatzen den euskal poeta ezagun batek ere idazle espainiarraren eragin zuzena jaso baitzuen bere garaian.