susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Hitza hitzaren kontra | Misteriozkoak »

Verdi / Itziar Gillenea / Elkar, 2007

Verdiren bizitza Javier Rojo / El Correo, 2007-08-15

Itzar Gilleneak Giuseppe Verdiren biografia eskaintzen die euskal irakurleei. XIX. mendean (XX. mendea hastearekin hil zen) Italiaren historiarekin bat etorri zen musikariaren nondik norakoak ikusi ahal izango ditugu liburu honetan. Irakurleak testuaren helburua ikuspuntutik kentzen ez badu (dibulgazio mailako bilduma batean argitaratu da), interesgarria suertatuko zaio biografia. Dena dela, Verdiren biografia bada ere, batez ere Verdiren lanez hitz egiten da, antza, bere bizitza pribatuari buruzko datu gutxi baitaude. Interesgarria izan daiteke idazleak jartzen duen eranskina. Bertan Verdiren operarik famatuenen argumentuen laburpenak agertzen dira. Eta argumentuak ikusita, esan behar da operak, narrazio dramatizatuak diren aldetik, musikaren euskarririk gabe nekez lor zezaketela interes handirik. Izan ere, gutxitan ikus daitezke halako argumentu rokanboleskoak.