susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Historia hutsetik harago | Zalantza ikara bihurtzen denean »

31 baioneta / Aitziber Etxeberria / Erein, 2007

Nobela historikoa Javier Rojo / El Correo, 2007-06-27

Aitziber Etxeberriak orain dela urte batzuk idatzi zuen “Tango urdina” izeneko liburu interesgarria. Oraingo honetan berriro ere hurbilketa bat egin du eleberriaren alorrera, nobela historiko batekin hain zuzen. “31 baioneta” du izenburua liburu honek, eta 1813. urtean Independentzia Gerraren inguruan gertatutako Donostiaren setioan kokatuta dago istorioa. Nobela historiko bati suposatzen zaizkion ohiko osagaiak dauzka liburu honek: inguru historiko gatazkatsu batean, pertsonaia arrunt batzuen gorabeherak kontatzen dira, pertsonaia xume hauek gertakari historikoekin harreman zuzena eduki gabe historiaren zurrunbiloak hara-hona eramaten dituelarik. Protagonista emakumea da, Beatriz, eta ezkutatu nahi duen iragan bat dauka. Anbiguetatean murgitzen den soldadu frantses gaiztorik (François) ere ez da falta istorio honetan. Tragikoak izan behar ziren gertakariek, ordea, melodrama itxura hartzen dute. Beraz, “berrikeriarik” gustuko ez duten irakurleen gozamenerako, nobela hau generoaren ildo tradizionalean kokatzen da. Bestaldetik, susmoa dut idazleak batzuetan ahaztu duela XIX. mendearen hasieran, Antzinako Erregimenaren azken arnasetan alegia, gertatzen dela istorioa.