kritiken hemeroteka

7.045 kritika

Azken kritikak

« | »

Salbazioko Armada / Taia Abdela (Patxi Zubizarreta) / Alberdania, 2007

Norbere buruaren bila Igor Estankona / Deia, 2007-05-18

Parisen bizi den Marokoar idazle gaztearen “Salbazioko Armada” eleberri gozoa da, eta gazia. “Mon Maroc” (2000) eta “Le rouge du tarbouche” (2005) liburuen egilearen lan honi ekin dio Patxi Zubizarretak, itzuli behar izan dituelarik intzestuaren zaporea, nortasun sexualaren bilaketa, xamurtasuna… eta uneka gogortasuna ere bai.

Tabuen aurka idatzi du oraingoan Taia Abdelak. Idaztea norbere bizitza ordenatzea ere izan daitekeela frogatu du beste behin “Salbazioko Armada” honekin, kutsu autobiografiko handia daukan terapia antzeko honekin. Hipokrisiaren aurkako aldarria ere bada nolabait, baina garraztasunak ekidin gura izan balitu bezala, diskurtso sano humanoa darabil, jolasa eta umorea uztartuz. Idazleak berak esana da, auziari garrantzia kenduz bezala, bere bizitza ulertzeko “garrantzitsua” delako idatzi duela homosexualitateaz edo intzestuaz. Horregatik dario liburuari naturaltasun elegante bat, eta horregatik da deskripzio hotz baten antzekoa eta ez proklama bat. Bide batez, horrexek egiten du hain baliotsu.

Idazle izan gura ez zuen idazle baten lana ei da “Salbazioko Armada”. Eta juzku borobilegirik egin nahi ez zuen idazle baten epai zalantza bakoa ere bai. Bizitza honetan bilatzen dugunak besteko pisua baitauka derrigor gurekin doanak; kultura bateko parte izan eta harekin talka egiten dugunean sortzen diren galderak, esate baterako. Horiei erantzun bat emateko ahalegina ere bada “Salbazioko Armada”. Magrebeko eta Europa ustez “zabaleko” ohituren artean erdi-harrapaturik, ezinezko sintesi baten ilusioak gidatzen du idazlea.

Marokon arrotz, Europan arrotz. Frantsesez idazten du, eta arabiera dabilkio zainetan. Horrek distantzia onuragarri bat hartzea ahalbideratzen dio, hanka bata han eta bestea hemen izatea eramangariago bihurtzen diona. Horregatik da behar bada hain interesgarria “Salbazioko Armada”. Harrapatu egingo zaitu zu ere, deskribatzen oso zaila den fintasun batekin idatzi duelako.

Azken kritikak

Gaur galtzea tokatzen da
Gotzon Hermosilla

Javier Rojo

Erreka haizea
Sonia González

Aiora Sampedro

Bakartasunaz bi hitz
Filipe Bidart

Aritz Galarraga

Pelegrinak
J.E. Urrutia Capeau

Hasier Rekondo

Errukiaren saria
Iñaki Irazu

Alex Uriarte Atxikallende

Mendi-joak
Aingeru Epaltza

Estibalitz Ezkerra

Zauri Bolodia
Oier Guillan

Mikel Asurmendi

Zuloa
Xabier Gantzarain

Peru Iparragirre

Mendi-joak
Aingeru Epaltza

Ibon Egaña

Ahotsak eta itzalak
Maixa Zugasti

Javier Rojo

Gerra txikia
Lander Garro

Roberto Moso

Girgileri Anderea
Maialen Hegi-Luku

Amaia Alvarez Uria

Etsaiak, lagunak, ezkongaiak, maitaleak, senar-emazteak
Alice Munro

Joannes Jauregi

Epailea eta haren borreroa
Friedrich Dürrenmatt

Aiora Sampedro

Artxiboa

Ekaina 2018

Maiatza 2018

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Hedabideak