susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Istorioak badu berezko tornuia! | Lerro arteko ustekabe militanteak »

Portukoplak / Kirmen Uribe / Elkar, 2006

Itsasoko aldetik Javier Rojo / El Correo, 2007-05-02

Kirmen Uribe poetak antologoaren lana egiten du Portukoplak izenburua duen liburu honetan. Azpitituluak azaltzen digu zer agertuko den barruan: itsas kantak eta poemak. Eta idazleak esango digu zein izan den bere asmoa: poema bilduma barik, sorta eskaintzea. Baina idazleak antologoaren lana egin badu ere, hau da hor-hemenka testuak bilatu eta bildu baditu ere, bere lana harantzago doa, kantuak eta poemak aurkeztekoan idazle izaera erakusten baitu. Batzuetan testuen gaineko azalpenak ematen dizkigu, non aurkitu zituen, nondik jaso zituen eta horrelako kontuak argituz. Baina bestetan, testuetan kontatzen denaren ingurua ere azaltzen zaigu, idazleak kantuak eta poemak bereganatuko balitu bezala, beste testu batzuk sortzeko. Izan ere, idazlea da Uribe, eta idazle moduan jokatzen du, azalpenetan hainbat istorio-eta kontatuz. Jasotzen dituen testuen artean, pixka bat denetarik aurkitu ahal dugu: erromantzeak, ahozko tradiziotik jasotako poematxok, idazle klasikoek idatzitakoak, bertsolarien lanak, lehengo eta oraingo poetek idatzitakoak. Beraz, ez da sorta homogeneo bat. Eta irakurleak beti aurkituko du bere gustuko poematxoren bat, Uriberen azalpenez gainera, jakina.