kritiken hemeroteka

7.584 kritika

Azken kritikak

« | »

Larrialdietarako irteera / Txuma Murugarren / Paper Hotsak, 2006

Larrialdietarako irteera Goizalde Landabaso / Radio Euskadi, 2007-03-18

Mundua zoragarria da… baina ez hainbeste. Edo gurago baduzu, dena liluragarria da, xarmantgarria… izateari uzten dion arte. Eta Txuma Murugarrenen liburuan horrek ez du luzaroan espazio askorik. Egunerokotasunaren gordina poesiaz jazten du egileak, soineko ederrez jantziz gorde nahi digu laztasun hori, baina hain da gatxa haragi barrenetan iltzatu zaigun arantza ostentzea… lakatzak dira istorioak. Lakarrak ez direnean, erraietara sartzen den nostaljiaz beterik daude. “Baten bati aditu diot iraganarekiko nostalgia egolatria hutsa dela eta hala izan daiteke, baina nik esango nuke bizitzen ikasi ez dugunon patua dela. Gaurko eguna ulertzen ez dugunontzat aterpe bilakatzen da iragana”.

Larrialdietarako irteera izan liteke lantzean behin mundutik at gelditzeko denok behar izaten dugun ihesbidea. Deitu paradisu, deitu geltoki; eman iezaiozu nahi duzun definizioa. Larrialdietarako irteera da. Joan-etorrikoa.

“Gauzen hegoaldea leku zehatza ez zen arren, bere iruditeriaren mapa asmatuan leku jakina hartzen zuen. Atomo baten mugetan sar zitekeen gauzen hegoaldeko aberria, edo begirada har dezakeen eremu osoa hartu”.

Istorioetako batzuetan abestien proposamena egiten digu Txuma Muruggarrenek. Horrek irakurtzen ari zarena gozotu dezakeela pentsa dezakezu, baina ez zaitzala berba arteko amaraunean nahasi, maiz isiltasuna baino okerrago da musika.

Katuek zazpi bizitza ohi dituzte; ez dakit gizakiok zenbat ditugun baina suizidioak asko dira liburuan. Etzazu pentsa, hala ere, heriotzerako biderik bakarra direnik; asko baitira hiltzeko moduak.

“Pozik eta malenkoniatsu nengoen, besteak beste negua horretarako delako, leihotik begiratu eta gertatu zaizkizunak ongi tolestu eta bihotzaren txokoetan pilatzeko”… eguraldiaren fash-back-a egiterakoan jabetu naiz: aurton ez da negurik izan.

Azken kritikak

Poesia guztia
Safo

Igor Estankona

Gilles de Rais
Anjel Lertxundi

Javier Rojo

Bazterreko ahotsak
Miren Tirapu Goikoetxea

Amaia Alvarez Uria

Poesia guztia
Safo

Javier Rojo

Bakezale gerlari horiek
Bixente Serrano Izko

Txema Arinas

Moskito
Igor Estankona

Aitor Francos

Nobela errealista bat
Joxean Agirre

Marta Goikoetxea

Bitakora kaiera
Ibon Sarasola

Mikel Urkixo Aierdi

Zendabalitz
Erika Elizari

Alaitz Andreu

Gilles de Rais
Anjel Lertxundi

Marta Goikoetxea

Miserikordia etxea
Joan Margarit

Jose Luis Padron

Argiantza
Pello Lizarralde

Aiora Sampedro

Hotz industriala
Julen Belamuno

Joannes Jauregi

Hotz industriala
Julen Belamuno

Ibon Egaña

Artxiboa

Uztaila 2020

Ekaina 2020

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Hedabideak