susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Topikoa baino harago | Futbolak erbesteratu zituenekoa »

Euskal Hiria sutan / Xabier Montoia / Elkar, 2006

Euskal Hiria sutan Iratxe Retolaza / Berria, 2007-02-10

Euskal Hiria sutan narrazio-bildumaren proiektua Obabakoak-en proposamenari erantzutea da, Atxagaren Euskal Hiri baikorrari erantzutea. Obabakoak, Joseba Gabilondoren irakurketari jarraituz, alegoria nazionala irudikatzen duen narrazio-bildumatzat badaukagu, Euskal Hiria sutan-ek alegoria nazional horren krisia irudikatuko luke. Nahiz eta ohartu narrazio batzuen lorpen narratiboa eskasa dela , edo askotan egitura narratibo bertsua errepikatu egiten dela, Montoiaren narrazio-bilduma hau gustuko izan dut, batetik, proiektu literario bati koherentziaz erantzun diolako; bestetik, gaur-gaurkoa den errealismo eta fikzioaren arteko lotura jorratzen asmatu duelako.