susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Mugarri estaliak | Berrirakurri beharrekoa »

Satorrak baino lurperago / Pedro Alberdi / Alberdania, 2000

60ko hamarkada Javier Rojo / El Correo, 2001-02-14

Pedro Alberdik, Ramon Saizarbitoriak “Hamaika pauso”n kontatzen duen gertaera bat (Ortiz de Zarateren eta Iñaki Abaituaren elkartzea, Bartzelonan) abiapuntuatzat hartuta 60ko hamarkadaren kronika egin nahi izan du “Satorrak baino lurperago” izeneko saiakera horietan. Kronika hau burutzerakoan hiru ildori jarraitu die. Lehenengo eta behin, politikari dagokion atala genuke. Honetan ETAren hasierak gogora ekartzen ditu, Burgoseko epaiketa gertatu arte, gutxi gora-behera. Bigarren maila euskal kulturarena da, honen erdigunean Gabriel Arestiren garrantzia azpimarratuta geratzen delarik. Gero, kronika sentimentalaren atala dei litekeena dago, non futbolari eta antzeko gauzei buruzko berriak ematen diren, egoera latzen ondoan bizitza arruntak aurrera egiten baitzuen.

Ezineko da Jon Juaristik idatzitako zenbait libururekiko paralelismoa ez aipatzea, erabiltzen dituzten gaiengatik ez ezik, liburuen hariak aurrera eramateko teknikaz ere biek ala biek berdintsu jokatzen baitute. Alberdiren ikuspuntua Juaristirena bezain maltzurra ez izan, ordea. Liburu interesgarria, nobela bat bezala irakurtzen dena, batzuetan malenkoniaz beterik dirudien arren ironia punttu bat falta ez duena, Alberdik denon gozamenarako idatzi duena.