susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ezkutukoak desestaliz | Azalaren oroimena »

XX. mendeko poesia kaierak / Askoren artean / Susa, 2000

XX. mendeko poesia kaierak Josemari Carrere / Hika, 2001-01

Editoreentzat poesia argitaratzea biltegiak saldu ezineko liburuz betetzearen irudia izaten da gehienetan, izan ere poesia gutxien saltzen den literatur generoa omen da. Baina Susa argitaletxeko jendea kontrakoa frogatzen ari da poesia kaiera hauek argitaratzen hasi denetik. Koldo Izagirrek prestatutako antologia hau harrera paregabea izaten ari da euskal irakurleen arrean. Durangoko azokan bigarren partea aurkeztu dute. Izan ere kaiera hauek harnamaka argitaratzen ari dira. Lehenengo entrega arrakastatsua suertatu eta bigarrenak bide bera hartu duela dirudi.

Arrazoien artean liburuxken erakargarritasuna izan daiteke nagusiena. Liburukote batean argitaratu beharrean idazle bakoitzarekin liburu txiki bat egin dute, banaka edo bilduma osoa erosteko aukera ematen duelarik prezio oso interesgarri batean. Hau da, poeta horien lanak irakurtzeko egindako bilduma eta ez apal batean ahaztuta gelditzeko. Dena dela bildumaren benetako garrantzia mende honetako gure poesiaren ezagutzak ematen duen aukera da. Koldo Izagirre biltzaileak egin duen lana ezinbestekoa egingo zaigu begiratu azkar eta gozagarri batean euskal poesiak eman duenarenarekin gozatzeko.