susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Irakurri lehenik eta leitu beharrekoak ondoren! | Kanpoa eta barnea »

Groucho eta ni / Groucho Marx (Harkaitz Cano) / Meettok, 2006

Grouchoren bizitza Javier Rojo / El Correo, 2006-08-02

Groucho Marx aurkezpen handirik behar ez duen pertsonaia horietako bat da, eta orain euskaraz “Groucho eta ni” izenburuarekin agertu den liburua ere nahiko ezaguna da. Autobiografia omen da liburu hau, eta autobiografia den aldetik, pertsonaia azaldu bezainbeste ezkutatu egiten da. Zer esanik ez, liburua dibertigarria da, ateraldi barregarriz josita. Baina nekez aurkituko dugu hor kronologiari jarraituta autobiografia zehatza. Gehienbat, Marx anaiek ezagutu zuten ikuskizun-munduari buruzko azalpen lotsagabea aurkituko du irakurleak. Gauza asko kontatzen dira horrekin lotuta: hasiera zailak, beste komiko batzuekiko harremanak (Chaplinen hasierak ere ezagutu zituzten Marx anaiek), antzerki-kritikoen kontrako ziztadak… Eta beti ere pertsonaiak bereziki landu nahi duen jarrera ziniko bat nabarmentzen da: Txekea kobratzen dudan bitartean, hor konpon beste kontuak.