kritiken hemeroteka

8.352 kritika

« | »

Gorputzeko humoreak / Angel Erro / Alberdania, 2005

Hatxe baten diferentzia Igor Estankona / Deia, 2006-02-28

“Eta harkadian ni” (2002) harrigarriaren bidetik idatzia, “Gorputzeko humoreak” Angel Erroren beste jolas serio bat da. Irakurtzeaz, liburuetaz zein idaztearen ariketa urragarri bezain gozoaz hitz egin gura izan du burlatarrak oraingoan ere, baina orduko hartan legez lirika, filosofia, deskripzioa, poza, tristura, elegantzia, erotismoa… dena kabitu arazten du orrialde eskas batzuetan.

Lehenagotik idatzita dauden poema batzuen itzulpena (translazioa esan behar ote genuke, hobe?) dakarkigula ematen du batzuetan. Hain da klasikoa edukiontzia, non edukinaren eiteak ez baitu ardura zelakoa den: dena elegantziaz sartzen zaio Errori epigrama batzuetan, edo Kavafis gogorarazten duten pieza fin horietako batean.

Eta ez du gogorarazten Alexandriarra bakarrik. Ni behinik behin, Joseba Sarrionandiaren “Izkiriaturik aurkitu ditudan ene poemak” gogoangarriraino eramaten nau Angel Errok. Bikaintasunaren bidetik gozatu ederra hartu dut oraingoan ere, imaginatuz Iurretakoak aurkeztu zizkigun Lucretius Carus, Quintus Ennius edo Petronius Arbiter haien eskolako hizkera fina aditzen ari nintzela. Baina orduan iduri luke Angel Errok ez duela ezer egin, edo kopiatzen dela ona. Bada ez: Erroren poesigintzak kanpoa eta barnea ditu landu-landuak. Heriotza bezalako amets handiei buruz idazteko balioko lukeen tonuan gaur-gaurkoak diren gai publikoetaz hitz egiteko kapaz da idazlea, edo berari goizean gertatu zaion zeozertaz. Gainera halako eroritasun elegante bat dario liburuari, ez dena patetismoa, ezpada urruntasun kalkulatu bat, larregikeria ekidin gura duena.

“Gorputzeko humoreak” honek badu kantitate oso txikietan baino aurkitzen ez den zerbait, bila ibili arren izkin egiten digun gai fin eta ia ikusezin bat: originaltasun poetikoa. Begiak itxi eta norbaitek goraki irakurriko baligu liburu honetako poema bat, irakurle berriak bagina esango genuke desberdin ematen duela belarrira, eta lehenagotik ezagutuko bagenu baietz egingo genuke buruarekin, Erroren poema bat dela.

Azken kritikak

Francesco Pasqualeren bosgarren arima
Unai Elorriaga

Joxe Aldasoro

Lanbroa
Pello Lizarralde

Mikel Asurmendi

Sorginak, emaginak eta erizainak
Barbara Ehrenreich / Deirdre English

Ainhoa Aldazabal Gallastegui

Ez naiz ondo akordatzen
Karlos Linazasoro

Mikel Asurmendi

Gerezi-denbora
Montserrat Roig

Amaia Alvarez Uria

Presbiziak lagundu omen digu
Edu Zelaieta

Mikel Asurmendi

Itsaso amniotikoa
Oihane Jaka

Aitor Francos

Itzulpena-Traducción
Angel Erro

Jon Jimenez

Itzulpena-Traducción
Angel Erro

Asier Urkiza

Maitasuna eta dirua, sexua eta heriotza
Mckenzie Wark

Nagore Fernandez

Fiesta: Eguzkia jaikitzen da
Ernest Hemingway

Aritz Galarraga

Biharraren hegietan
Maddi Sarasua Laskarai

Maddi Galdos Areta

Gaueko azken expressoa
Eneko Aizpurua

Aiora Sampedro

Aingeruak eta neskameak
June Fernandez

Ibon Egaña

Artxiboa

2024(e)ko uztaila

2024(e)ko ekaina

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

Hedabideak