kritiken hemeroteka

7.497 kritika

Azken kritikak

« | »

Itxoidazu Café de Passy-n / Xabier Etxeberria / Martin Etxeberria / Elkar, 2005

Dezepzioetan barrena Alvaro Rabelli / El País, 2005-06-27

Seguru nago anaia bikiak izatea gauza guztiz arrunta dena, baina bikiak izateaz gain idazleak izatea eta elkarrekin liburuak idaztea ez da hain ohikoa. Horrelakoak ditugu Zarauzko Martin eta Xabier Etxeberria anaiak, bikiak, biak idazleak eta oraingoan batera liburu bat idatzi dutenak. Itxoidazu Café de Passy-n du izenburu zarauztar anaiek idatzitako eleberriak. Benetako road movie-a.

Liburuan, hari bi, estilo bi eta sasoi bi landu dituzte: batean, gaur egun, bi anaia bikiek oporretan Frantzian gaindi egindako bidaia; bestean, ikasle euskaldun baten gorabeherak 70eko Parisen. Istorio edo ildo biak paraleloan doaz kontatuta, baina benetan komunean gauza bat dute nagusi, dezepzioa. Lehenengo ildoan X eta M anaiak ditugu, benetako Xabier eta Martinen alter ego-ak, baina benetako ezaugarriak hanpatuta.

Frantzian barrena doaz, Pariseraino, elkarrekin liburu bat idatzi nahian, eta aspaldiko lagun batzuk berriro ikusteko irrikan, milaka gorabehera, ezuste eta abentura biziko dute. Zati hau oso tonu arinean idatzita dago, X eta M etengabe ditugu elkarri ziri eta ezten. Elkarrizketa da nagusi zati horretan.

Liburuaren bigarren zatia, X eta M idatziz doazen zatia, pausatuagoa da, idazkera trinkoagoakoa. Deskribapena eta gogoetarako bidea gailentzen dira bertan. Patxi, zati honetako protagonista, 70eko Pariseko zurrunbiloan dago murgilduta, 68ko maiatzaren iraultzaren eta ETAren borrokaren giroak harrapatuta. Ahots bietan dezepzioa eta desilusioa izango dira nagusi, esan bezala.

Batean zein bestean idealizatuta dituzte pertsona, talde edo oroitzapen batzuk, baina zenbait gertaeraren ostean, dena olatuek aienatzen duten ametsen hareazko gaztelua bezalakoa izango da.

Batean desilusioak sentimentalagoak eta indibidualagoak dira; bestean, ideologikoagoak. Eta ororen gainetik, aurrera egiteko ezinbesteko beharra. Itxoidazu Café de Passy-n esku biez idatzi eta ahots bietan murgiltzera gonbidatzen gaituen eleberria da. Ahots biok hasieran sortzen duten zailtasuna gaindituta, eleberriak arintasuna lortzen du Frantziako bazterretan.

Azken kritikak

Txipiroiak bere beltzean
Rafa Egiguren

Hasier Rekondo

Zendabalitz
Erika Elizari

Javier Rojo

Zendabalitz
Erika Elizari

Aiora Sampedro

Isiltasun urte luzeak
Francisco Castro

Joannes Jauregi

Bertsoaren harria
Koldo Izagirre

Mikel Asurmendi

Karanbola hirukoitza
Eneritz Artetxe

Amaia Alvarez Uria

Bilduma bat
Sandro Penna

Irati Majuelo

Bilduma bat
Sandro Penna

Igor Estankona

Etxeak eta hilobiak
Bernardo Atxaga

Javier Rojo

Aitaren etxea
Karmele Jaio

Mikel Asurmendi

Izurria
Albert Camus

Txema Arinas

Andrezaharraren manifestua
Mari Luz Esteban

Ibai Atutxa Ordeñana

Hik ez dakik zer den beldurra
Karlos Linazasoro

Aiora Sampedro

Lisboako setioaren historia
Jose Saramago

Joannes Jauregi

Artxiboa

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Hedabideak