kritiken hemeroteka

8.325 kritika

« | »

Gau ertzekoak / Luigi Anselmi / Pamiela, 2004

Poeta Felipe Juaristi / El Diario Vasco, 2004-08-27

Poesia idazteko arrazoi asko aurki daitezke, mundua oso poetikoa ez bazaigu jarri ere. Beti dago poesia non idatzi, poesia idazteko gaiak beti dauden bezala eta aurkitzen errazak, ikusten jakinez gero. Askotan gertatzen da nabarien dena ez dela ikusten. Lacanek horrelako zerbait idatzi zuen Gutun Ostua ipuinaren azterketa egin zuenean. Ostutako gutuna denen agerian zegoen, baina inork ez zuen aurkitzen, inork ez baitzuen pentsatzen oso agerian egon zitekeenik. Poesia ere horixe da, oso agerikoa den zerbait, baina uste da oso agerikoa dena, arrunta dena, ezin daitekeela poetikoa izan.

Diot, Luigi Anselmi poetaren gaiak betikoak direlako, gai txikiak, bihotzaren neurrikoak, baina haren poesia, Luigi Anselmirena, gero eta poesia handiagoa da. Begirakune soil batek/ hogei urteko elurra/ urtu zuen, irakurri dut Luigi Anselmiren poemen artean, eta izugarria iruditu zait hitz gutxi horietan lortutakoa. Giroa ez ezik, giroaren azpiak ere ikusgarri egiten dira hitzotan. Adiskidetasuna adierazteko modua da, begirakune bat eta denborarik egon ez balitz bezala da, denborak sekula aurrera egin izan ez balu bezala, denbora azpian, elurrak estalia, geratu izan balitz bezala.

Poesiak ez baitu besterik behar, eta poesia ez da besterik, ez bada poetaren barrunbeak kanpora eta agerian uztea, poetaren sentimenduak plazaratzea, ez beste jendea poz edo triste dadin. Poetak berak behar diolako bere buruari erakutsi bere hitzak berarentzat direla sendagarri.

Gaur egun ez da modan poesia soziala, edo poesia politikoa, baina bada poesia klase bat, poetaren banitatea erakusteko, indartzeko eta loditzeko baino idazten ez dena.

Poeta pobrea eta gaixoa, erakutsi behar diena besteei, bere buruak ezagutzen ez duena!.

Azken kritikak

Nazioa eta hizkuntza Humboldten pentsamenduan
Iñaki Zabaleta Gorrotxategi

Jon Jimenez

Etxe bat norberarena
Yolanda Arrieta

Irati Majuelo

Hormako atea eta beste ipuin batzuk
H.G. Wells

Hasier Rekondo

Zeru-lurren liburua
Jon Gerediaga

Jon Martin-Etxebeste

Itzalen tektonika
Itxaro Borda

Asier Urkiza

Mundu zitalaren kontra
Lizar Begoña

Jon Martin-Etxebeste

Sastraka
Askoren artean

Mikel Asurmendi

Itsaso amniotikoa
Oihane Jaka

Ainhoa Aldazabal Gallastegui

Lanbroa
Pello Lizarralde

Irati Majuelo

Lanbroa
Pello Lizarralde

Ibon Egaña

Txoria hodei artean
Urtzi Urkizu

Jon Martin-Etxebeste

Begiak eman nizkinan eta ilunpeei behatu hien
Irene Sola

Jon Jimenez

Mundu zitalaren kontra
Lizar Begoña

Amaia Alvarez Uria

Gerezi-denbora
Montserrat Roig

Asier Urkiza

Artxiboa

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

Hedabideak