susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Orhoit gutaz | Hau ez da egia »

Hemingway eta euskaldunak zerbitzu sekretuetan / Edorta Jimenez / Susa, 2003

Hemingway-ren ibilaldiak Javier Rojo / El Correo, 2004-06-02

Edorta Jimenezek saiakera historikoaren barruan koka daitekeen liburua eskaini du “Hemingway eta euskaldunak zerbitzu sekretuetan” izenburu erakargarria duen idazlan honekin. Izenburua hitzez hitz hartzen duena, ordea, pixka bat defraudatuta gera daiteke. Zeren, kontatu, batez ere, liburu honetan Hemingway-k zenbait euskaldunekin (gehienbat Kubako egonaldietan) izandako harremanen istorioak kontatzen baititu. Zerbitzu sekretuen kontua, berez honelako gai bati dagokionez, lausotuago gelditzen da liburuan. Egia de FBI-k desklasifikatutako dokumentuetan euskaldunen parte hartzea aipatzen dela, baina halako dokumentuetan belztutako lerroetan ezkutatzen direnek interpretaziorako aukera gehiegi uzten dute, eta espekulazioak ezinbestekoak dira. Edonola ere, honek ez dio kalterik egiten Edorta Jimenezen liburuari, saiakera, espekulazioa zein fikzioa izan, abentura nobela bezain ongi eta bezain gustura irakurtzen baita, kontaera interesgarri eta zalua den aldetik. Batzuetan, baina, inakurlea zerbitzu sekretuen amaraunean gal daitekeelako inpresioa eman dezake, hainbeste izenekin-eta. Azken finean, horretarako dira amaraun sekretuak.