« Mendea eta segundoa | Argia, aldika »
Leiho bat bihotzean / Aintzane Galardi / Balea Zuria, 2024
Margolarien antzera Paloma Rodriguez-Miñambres / El Diario Vasco, 2024-10-12
Aintzane Galardiren bosgarren poema liburua irekitzen duenak zein diren estiman dituen artistak jakingo du, haien esanak agertzen baitira olerki gehienen sarreran. Ale hau osatzen duten bi atalen izendapenek berek adierazten dute artearen eta literaturaren arteko uztarketa: “I Polikromiak”, (37 poema) eta “II Monokromiak” (30 poema). Bidenabar, esan dezagun lotura hori ohikoa izan dela sormenean, Galardiren bertsoek “Ut pictura poesis” esapidea gogora dakartelarik. Klasikoen arabera, arteak izendatzaile komuna izan behar zuen. Horrela, poesiak hunkigarria eta oroigarria izan behar du, ikuslearen buruan koadro batek sorturiko irudiak iradokitzea bezala.
Horrenbestez, margolaritzak eta poesiak esperientzia estetikoa dute komunean, hartzaileak artelan baten aurrean sentitu beharreko gozamena, alegia. Eta Galardiren asmoa hortik doala uste dut, poemek koadro edo postal bat bailitzan hartu behar direlako sentsazioa sorrarazten baitute. Margolariaren eta olerkariaren lanak, jarduera berdintsuak, izenburuetatik iragarrita: “Pintura kaxa”, “Koloreen mintzoa”, “Akuarela”.
Halaber, poetaren begiradan, batetik, bere sentsibilitatea erakartzen duten paisaiak azaleratzen dira, esaterako, Oiartzungoak “Arditurri”, “Munerre”), Japoniakoak (“Hokusairen bisita”, “Japoniar kamelia”) eta antzinatekoak (“Efeso”, “Hierapolis”); bestetik, pertsonaia historikoekin solasaldi modukoak (Marie Kroyer, Luzio Fontana).
Laburbilduz, hiru ardatzek —pinturak, poesiak, hizkuntzak— hezurmamitzen dute Galardiren liburua, non estetikarako joera nagusitzen den. Hala ere, apur bat nekagarria dirudike hainbeste izen agertzeak obran zehar. Erran nahi da aipamen horiek oso harira ekarriak direla, zalantzarik ez. Eta ederretu, osatu egiten dutela. Alabaina, autoreak ez du sostengu horren beharrik, poemek beren kabuz hegan egin baitezakete.
Gurpilak
Eztizen Artola Iturrate
Irati Majuelo
Argialdiak
Miriam Luki
Ainhoa Aldazabal Gallastegui
Leiho bat bihotzean
Aintzane Galardi
Paloma Rodriguez-Miñambres
Francesco Pasqualeren bosgarren arima
Unai Elorriaga
Asier Urkiza
Kanbodiako enbaxada
Zadie Smith
Nagore Fernandez
Herriaren hezkuntza eta demokrazia
Nadezhda Krupskaia
Jon Jimenez
Sinposioa
Platon
Aritz Galarraga
Coca-Cola bat zurekin
Beñat Sarasola
Joxe Aldasoro
Etxe bat norberarena
Yolanda Arrieta
Mikel Asurmendi
Rifqa
Mohammed el-Kurd
Irati Majuelo
Loak ezkutatzen duena
Patxi Zubizarreta
Aiora Sampedro
Gari eta goroldiozko
Anari Alberdi Santesteban
Mikel Asurmendi
Itsaso amniotikoa
Oihane Jaka
Asier Urkiza
Hau ez da gerra bat
Mikel Ayllon / Piszifaktoria Ideien Laborategia
Nagore Fernandez