« Gailurra erdiesten duen nobela bihurgunetsua: lur-zulora jausitakoen gaineko literaturaren muina | Hori dena eta askoz gehiago »
Nerabeen garrasia / Telmo Lazkano / Maitane Ormazabal / Alberdania, 2024
Gurasoek irakurri beharreko liburua Aiora Sampedro / El Diario Vasco, 2024-09-14
Maitane Ormazabal eta Telmo Lazkanoren saiakerak dagoeneko bigarren edizioa argitaratzea lortu du eta irakurleen arreta erakarri izana erabat justifikatua dago barnean lortuko duenarekin. Liburuak bi plano arakatzen dituela esango nuke, beti ere nerabeen nortasunean jarrita arreta, batetik, osasun mentalari eta hura zaintzeko baliabideei heltzen die eta bestetik, sare sozialen eta IKTen erabilera goiztiarraren arriskuak azaldu eta haiei kontra egiteko baliabideak azaltzen dituzte.
Lehen atalean, nerabeen osasun mentala arakatu eta gaur egun sortzen diren arazo nagusiak azaltzen dituzte neuropsikologia baliatuz (autoestimu arazoak, depresioa, antsietatea…) eta alderdi horretan, sare sozialek haien arrakasta lortzeko darabiltzaten teknikak aletzen dituzte. Kapitulu honen ekarpenik interesgarriena fusio horretatik eratortzen da, izan ere, sare sozialek erabiltzaileon adikzioa lortzeko teknikak darabiltzatela azaltzen dute egileek eta horiek, ezagunak zaizkigun beste adikzio batzuek erabiltzen dituzten mekanismo kognitiboekin bat datozela erakusten dute, hala nola, drogak edo apustuek nahiz jokoak eragiten duten dopamina nahasmenduen antzeko diseinua dutela argitzen dute. Bigarren atalean, haiei aurre egiteko teknikak zerrendatzen dituzte, bai IKTek eskaintzen dituztenak, bai guraso edo gizarteak eskaini ditzakeenak (gertutasuna, elkarrizketa, gizarte-saretze trinko bat…).
Aurrekoak erakusten du bi egileen formazioa zabala dela, hezkuntzan, psikoterapian nahiz neurozientzian, baina azalpenen indarra haien zientifikotasunetik baino, haiek irakurle arruntari adibideen bidez helarazteko duten gaitasunari dagokio. Hala, azaldu nahi dena jakinarazteko egunerokotasuneko gertakariekiko alderaketak egiten dira edota esperimentuen berri ematen da eta testua aise eta gustura irakurtzen da.
Itsaso amniotikoa
Oihane Jaka
Asier Urkiza
Hau ez da gerra bat
Mikel Ayllon / Piszifaktoria Ideien Laborategia
Nagore Fernandez
Gurpilak
Eztizen Artola Iturrate
Jon Jimenez
Gizon barregarriak
Joxean Agirre
Hasier Rekondo
Detaile xume bat
Adania Shibli
Irati Majuelo
Barkamena existituko balitz bezala
Mariana Travacio
Ainhoa Aldazabal Gallastegui
Nerabeen garrasia
Telmo Lazkano / Maitane Ormazabal
Aiora Sampedro
Twist
Harkaitz Cano
Mikel Asurmendi
Detaile xume bat
Adania Shibli
Jon Jimenez
Antzerkiaren labirintoan I
Ander Lipus
Amaia Alvarez Uria
Galbahea
Gotzon Barandiaran
Maite Lopez Las Heras
Carvalho Euskadin
Jon Alonso
Jon Jimenez
Uztapide eta Xalbador
Pako Aristi
Mikel Asurmendi
Barkamena existituko balitz bezala
Mariana Travacio
Jon Jimenez