« A-uuuuu! O-oooo! O-hartu, e-man e-ta zabal e-zazu | Urtzen doazen bizitzak »
Airemortuak / Gorka Salces Alcalde / Balea Zuria, 2024
Munduaren asaldura Paloma Rodriguez-Miñambres / El Diario Vasco, 2024-04-20
Gorka Salcesek bere bigarren poema-liburua argitara eman du Balea Zurian. Sei urte igaro dira atera zuen aurreko liburutik. Datak aipatzea esanguratsua iruditzen zait egile berriek literatura-ekoizpenarekin jarraituko duten ala isilik geratuko diren jakiteko. Erran nahi da corpus literarioa sortze aldera obren handinahia eta maiztasuna lagun izan behar dituela idazleak. Salces historiagilea eta komunikabideetan aditua dela igartzen da, izan ere, kutsu sozialak zama hartzen du liburuan. Hau da, indibidualtasunean galdurik eta beste giza taldeei bizkarra emanda bizi garela gaitzesten du.
Olerki hauetan azaleratuak dira honako gai nagusiak: bizi erritmoaren zurrunbiloa eta abiadura gehiegizkoa —detaileetan erreparatu gabe egiten dugu aurrera—, eguneroko ekintzen alferrikakotasuna, ezegonkortasuna, aitatasuna, edo ingurumen, ekologiarekiko kezka —hortxe suma liteke hain modan dagoen ekoantsietatearen oihartzuna— Horrek guztiak gizabanakoaren askatasunik eza baita bizieraren mina —eta porrota, zer?— ere agerian uzten dituelarik.
Izenburutik bertatik iragarrita daude Salcesen tonua eta estiloa; mundu globalizatu honetan belarri arretatsua jarri du eta, horren frogatzat, kaleko hiztegia detektatzeko gaitasuna erakusten du, anglizismoak sartzen baitira liburua osatzen duten lau ataletan —Baby Blues, Overbooking, esaterako—. Bestalde, mundua eta egungo gizartea mugitzen dituzten balioen harira, poetak bereganatzen du oreka moduko bat adierazpen intimoen eta kolektiboaren artean. Onar dezagun Salcesek bere bertsoetan aditzera ematen duena ez zaiola irakurleari kontsolagarri suertatzen. Dena den, zer pentsatua ematen digu ondo egituratutako poema multzo honetan, ea nora goazen gizarte gisa balioen eta utopien hutsaltasunarekin, Zoroen Itsasuntzitik ez hain urrun.
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos