kritiken hemeroteka

8.280 kritika

« | »

Familiako lexikoa / Natalia Ginzburg (Fernando Rey) / Igela, 2021

Familiaren inguruabarrez Paloma Rodriguez-Miñambres / El Diario Vasco, 2021-06-26

Familiaren kontuei buruz idaztea oso ohiko dugu literaturan. Mundua ulertzeko mapa modukoak dira nork bere familiaz kontatzen dituenak. Natalia Ginzburgen liburuan bere senideak azaltzen dira: Levi judutarren bost seme-alabak, aita, Lidia ama, Nataliaren lehenengo senarra, baita adiskideak ere. Hurbiletik behatzen ditugu haien iritziak, jokabideak, maniak —haien filiak eta fobiak eguneroko bizitzan mendiko ibilbideei buruz, hotzerako behar den arropari buruz—. Argi-ilun horietan egileak aurkezten ditu pertsonaiak era sendo eta sinesgarrian. Aldi berean, 1940ko hamarkadako gizarte italiarraren irudi bat eskaintzen digu, non politikaz, modaz, oporrez edota lorategiko arrosez mintzatzen den, nahiz eta faxismoa puri-purian zegoen eta ezbeharrak gertatu ziren. Familiaren historia ez ezik garaiko inguruabarrak ere islatzen dira.

Oroitzapenen hariari jarraiki, hitzek familiaren erretratua eraikitzen dute. Lexikoa memoria martxan jartzeko botoia da, familia bakoitzean esamolde eta adierazpide bereziak baliatzen baitira, beste inork ezagutuko bide ez dituenak: “Esaldi horiek dira gure latina, gure egun joanetako hiztegia, egiptoarren edo asiriar-babiloniarren hieroglifikoak bezala: dagoeneko existitu ez baina testuetan bizirik dirauen bizi-muin baten testigantza uren haserrealditik, denboraren joanaren higaduratik salbatutako testuak”.

Eleberri autobiografiko honetan antzematen da samurtasuna, baikortasuna. Zuzen hitz egiten digu, mingostasunik gabe, Ginzburgek. Familiaren mikrokosmosaren inguruan errotzen diren sentimenduak, kontraesanak erakustean, horien lekuko eta konplize bihurtzen gara. Bere begirada zolian senideen potretaz gain, gizartea eta mundua ere kabitzen dira. Bestalde, meritua du Fernando Reyren euskarazko itzulpenak, mantendu baitu jatorrizkoaren xarma. Familia istorio argitsu bezain gogoangarriak.

Azken kritikak

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Zakur zaunkak
Iñaki Irazu

Hasier Rekondo

Bufalo guztiak
Juanra Madariaga

Paloma Rodriguez-Miñambres

Independentzien eguzkiak
Ahmadou Kourouma

Jon Jimenez

Zirriborroak eta gero
Askoren artean

Asier Urkiza

Zirriborroak eta gero
Askoren artean

Amaia Alvarez Uria

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak